Labaran abubuwan da ke faruwa dangane da wasanni

Rahoto kai-tsaye

Mohammed Abdu

1. 3 Yuni 2025Nick Kyrgios ba zai buga Wimbledon Open ba

   

   Asalin hoton, Getty Images

   Dan kasar Australiya, Nick Kyrgios ya ce ba zai buga gasar Wimbledon ba, bayan da ya ci karo da rauni, sakamakon fama rauni da ya yi.

   Kyrgios, wanda Novak Djokic ya doke shi a 2022 a wasan karshe a gasar da ake yi a All England Club, bai buga tennis da yawa ba a kaka biyun da ta wuce, sakamakon raunin tsintsiyar hannu, wanda ke bukatar tiyata.

   A watan Maris a Miami, mai shekara 30 ya lashe kofi a karon farko tun bayan 2022 – daga nan ya sanar ba zai iya buga French Open ba da ake tata burza a birnin Paris.

2. 3 Yuni 2025Sabalenka ta kai daf da karshe a French Open

   

   Asalin hoton, Getty Images

   Wadda take ta daya a jerin masu buga kwallon tennis a duniya, Aryna Sabalenka ta doke mai rike da lambar zinare a gasar Olympic, Zheng Qinwen a French Open ta kuma kai zagayen daf da karshe

   Sabalenka ta yi nasarar cin 7-6 (7-3) 6-3 a fafatawar da suka yi a Court Phillippe Chatrier.

   Watakila Sabalenka ta fuskanci Igwa Swiatek, amma sai ta doke Elina Svitolina a zagayen daf da karshe

3. 3 Yuni 2025

   

   Asalin hoton, Getty Images

   Ɗan wasan gaba a Crystal Palace da Faransa, Jean-Philippe Mateta mai shekara 27, na cikin 'yan wasan da Manchester United ke zawarci amma tana fuskantar kalubale daga Juventus da AC Milan. (Teamtalk)

   Myles Lewis-Skelly mai shekara 18 na shirin cimma sabon kwantiragi da Arsenal a wannan kaka, matakin da zai kawo karshen jita-jitar tafiyarsa Real Madrid. (Mail)

   Liverpool ta cimma yarjejeniya da ɗan wasan tsakiya a Jamus, Florian Wirtz zuwa 2030, amma har yanzu ba su daidaita kan kudin da ya kamata a biya matashin mai shekara 22 ba, wanda Bayer Leverkusen tayi watsi da yuro miliyan 130 a kansa. (Bild - in German)

4. 3 Yuni 2025Man United za ta shiga zawarcin Mbeumo na Brentford

   

   Asalin hoton, Getty Images

   Ana sa ran Manchester United za ta fara tattaunawa da Brentford domin sayen Bryan Mbeumo.

   Kociyan United, Ruben Amorim na fatan kara karfi a gurbin masu cin kwallaye, domin kungiyar ta taka rawar gani a badi.

   Kwallo 44 kadai United ta zura a raga a Premier League da ta wuce.

   Ita ce ta biyar a karancin cin kwallaye a gasar duk da yan wasan da ta saya da ya hada da Rasmus Hojlund da Joshua Zirkzee, wadanda suka zura bakwai jimilla tsakaninsu.

   Tuni Matheus Cunha ya amince da tayin da United ta yi masa, ana sa ran za a kammala rattaba hannu kan kwantiragi da zarar dan wasan ya gama buga wa Brazil wasan neman shiga gasar kofin duniya ranar Juma’a.

   Mbeumo mai shekara 25, ya ci kwallo 20 a Premier League da aka kammala ta kakar nan.

   United ba za ta buga wasan sada zumunta da mai tsaron ragarta ba Andre Onana, inda za ta kara da Uganda da kuma Equatorial Guinea.

5. 3 Yuni 2025Chelsea ba za ta dauki Sancho ba zai koma Man United

   

   Asalin hoton, Getty Images

   Chelsea ba za ta dauki Jadon Sanco ba, saboda haka za ta biya Manchester United £5m, domin ya koma Old Trafford.

   Dan wasan tawagar Ingila ya je buga wasannin aro a Stamford Bridge, bayan rashin jituwa tsakaninsa da tsohon koci, Erik ten Hag.

   United, wadda ta dauki Sancho kan £73m daga Borussia Dortmund a 2021, ta yi murna da mai shekara 25 zai bar kungiyar.

   Chelsea, wadda ba ta biya kudin wasannin aro na Sancho ba ta ci gaba da biyan rabin albashin £300,000 a duk mako.

   Tun farko an kulla yarjejeniyar cewar Chelsea za ta sayo Sancho kan £25m, idan ta kare saman mataki na 14 a teburin Premier League – ko kuma ta mayar da shi ga United da biyan £5m.

   Sauran kwantiragin kaka daya ta ragewa Sancho a United, kuma har yanzu kungiyar Old Trafford na bin Dortmund £17m.

   Sancho ya ci kwallo a wasan da Chelsea ta ci Real Betis 4-1 ranar Laraba ta lashe Conference League – kofin farko tun Fabrairun 2022 – Sancho ya ci kwallo biyar ya bar da 10 aka zura a raga a karawa 42.

6. 3 Yuni 2025

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

7. 3 Yuni 2025

   

   Asalin hoton, Getty Images

   Ɗan wasan gaba a Brentford Bryan Mbeumo na son tafiya Manchester United, wanda tuni sun shirya soma tattaunawa da matashin mai shekara 25 dan asalin ƙasar Kamaru. (Athletic - subscription required)

   Inter Milan na fatan cimma yarjejeniya da ɗan wasan gaba a Manchester United da Denmark, Rasmus Hojlund mai shekara 22. (Gazzetta dello Sport - in Italian)

   Manchester United na kuma jiran ta ji hukuncin da ɗan wasan tsakiya a Portugal Bruno Fernandes ya yanke kan ci gaba da zama da su ko akasin haka, yayin da ƙungiyar Al-Hilal ta Saudiyya ke nuna zawarcinta kan ɗan wasan mai shekara 30. (Sky Sports)

8. 3 Yuni 2025Fernandes ya ki amincewa da tayin ya koma Al-Hilal

   

   Asalin hoton, Getty Images

   Bruno Fernandes bai amince da tayin da Al-Hillal ta yi masa ba, domin ya koma Saudiyya da taka leda.

   Fernandes ya dade yana nazarin tayin yarjejeniyar da aka yi masa, wadda linki biyu ce kan abin da yake samu a Manchester United, wanda daya ne daga masu samu albashi mai tsoka a kungiyar.

   Bayan da ya tattauna da iyalansa, sai ya sanar da Al-Hillal cewar ba zai koma Saudiya da taka leda ba, zai ci gaba da zama a Old Trafford.

   United ta yi farin ciki da zabin da Fernandes ya yi, daman koci, Ruben Amorim ya ce yana da tabbaci Fernandes ba zai bar United ba.

   Wasu rahotannin na cewa Al-Hillal ta taya Fernandes tsakanin £80m zuwa £100m domin ta dauki dan wasan mai shekara 30 da wuri kafin ta fara wasa a Club World Cup.

   Fernandes ya buga wasa 290 a United da cin kwallo 98 tun bayan da ya koma Old Trafford kan £47m daga Sporting a Janairun 2020.

9. 2 Yuni 2025Griezmann zai ci gaba da taka leda a Atletico zuwa 2027

   

   Asalin hoton, Getty Images

   Dan kwallon Atletico Madrid, Antoine Griezmann ya tswaita kwantiragin kaka biyu, domin ya ci gaba da taka leda a kungiyar zuwa Yunin 2027.

   Griezmann ya koma Atletico a 2014, tun farko kwantiraginsa zai kare a kungiyar a karshen kakar 2026.

   Mai shekara 34 shi ne kan gaba a tarihin ci wa kungiyar kwallaye mai 197 ya haura yawan naLuis Aragones mai 173 jimilla.

   Griezmann ya buga wa Atletico wasa 53 a kakar nan da cin kwallo 16 da bayar da tara aka zura a raga.

   Dan wasan tawagar Faransa ya lashe Spanish Super Cup a 2014 da UEFA Super Cup a 2018 da kuma UEFA Europa League a 2018 a Atletico.

10. 2 Yuni 2025Kovacic ba zai buga wa Man City Club World Cup ba

    

    Asalin hoton, Getty Images

    Dan wasan Manchester City, Mateo Kovacic ba zai buga Club World Cup ba, bayan da aka yi masa tiyata.

    Kovacic bai yi wasan karshe a FA Cup ba, wanda Crystal Palace ta lashe kofin a Wembley, saboda jinya.

    Ya buga wasan Premier League da City ta fuskanci Bournemouth, amma sai aka yi jan kati, hakan ya sa bai yi wasan karshe ba da Fulham a Craven Cottage da City ta yi nasara.

    City za ta fara wasa da kungiyar Morocco, Wydad Casablanca a Club World Cup a Philadelphia ranar 18 ga watan Yuni.

    Sauran dake rukuni daya da City sun hada da Al Ain ta

    Abu Dhabi da kuma Juventus.

    Kungiya 32 ce za ta kece raini a gasar da za a yi mako hudu a Amurka.

11. 2 Yuni 2025Djokovi ya ci wasa na 100 a French Open

    Novak Djokovic ya kai zagayen gaba a French Open bayan da ya doke Cameron Norrie 2-6 3-6 2-6 ranar Ltinin.

    Wasa na 100 kenan da Djokovic ya lashe a gasar ta Ronald Garros.

12. 2 Yuni 2025Maurizio Sarri ya sake karbar aikin kociyan Lazio

    

    Asalin hoton, Getty Images

    Maurizio Sarri ya sake karbar aikin kociyan Lazio, bayan kaka daya da ya yi murabus, kamar yadda jaridun Italiya suka wallafa da cewar daga bakin daraktan kungiyar, Angelo Fabiani suka ji.

    Sarri, wanda ya horar da Chelsea da Juventus ya koma aikin kociyan Lazio kan yarjejeniyar kaka biyu da cewar za a iya kara masa wata 12 da zarar ya yi abin kikrki.

    An tuntubi Lazio domin karin bayani kan batun, amma ba ta ce komai ba.

    Sarri ya ajiye aikin mai horar da Lazio a cikin Maris din 2024, kungiyar ta kare a mataki na bakwai a teburin Serie A a 2023-24, wadda kafin nan ta yi ta biyu a teburin babbar gasar tamaula ta Italiya.

    A kakar da aka kammala Lazio ta kare a mataki na bakwai karkashin Marco Baroni.

13. 2 Yuni 2025Brentford ta amince ta dauki Caoimhin Kelleher daga Liverpool

    

    Asalin hoton, Getty Images

    Mai tsaron ragar Liverpool, Caoimhin Kelleher na daf da komawa Brentford bayan da kungiyoyin suka amince da cinikin £12.5m, zai iya kaiwa £18m idan aka hada da tsarabe-tsarabe.

    Mai shekara 26, zai maye gurbin Mark Flekken, wanda zai koma golan Bayern Leverkusen mai buga Bundesliga.

    Leverkusen za ta biya £8m kudin mai tsaron ragar Brentford mai shekara 31 dan kasar Netherlands.

    Kelleher yana da sauran yarjejeniyar kaka daya a Anfield, sai dai golan Valencia, Giorgi Mamardashvili zai koma Liverpool a watan Yuli a matsayin mataimakin Alisson Becker.

14. 2 Yuni 2025Za a auna koshin lafiyar Delap a Chelsea

    

    Asalin hoton, Getty Images

    Sky Sports ta wallafa cewa Liam Delap zai je Chelsea a auna koshin lafiyarsa ranar Litinin daga Ipswich Town.

    Haka shima David Ornstein na Athletic ya ce Delap zai je a auna koshin lafiyarsa a Chelsea, sannan ya rattaba kwantiragi zuwa karshen kakar 2031.

15. 2 Yuni 2025Ko Bournemouth za ta iya rike Kerkez kuwa?

    

    Asalin hoton, Getty Images

    Milos Kerkez ya ce bai san makomarsa ba a Bournemouth ya sanar da magoya baya cewar komai zai iya wakana a mako mai zuwa.

    Ana ta alakanta mai tsaron bayan da cewar Liverpool zai koma da taka leda.

16. 2 Yuni 2025Coco Gauff ta kai kwata fainal a French Open

    

    Asalin hoton, Getty Images

    Wadda take ta biyu a jerin masu buga kwallon tennis a duniya, Coco Gauff ta ci gaba da taka rawar gani a French Open ta kuma kai zagayen kwata fainal ranar Litinin.

    Yar kasar Amurka, mai shekara 21 ta doke Ekaterina Alexandrova da ci 6-0 7-5 a wasan da suka buga a birnin Paris.

    Wannan shi ne karo na biyar da Gauff ke kai wa zagayen kwata fainal a Roland Garros.

    Za ta buga wasan zagayen gaba da wadda take rike da Australian Open, Madison Keys.

17. 2 Yuni 2025Man City na son daukar Rayan Ait-Nouri daga Wolves

    

    Asalin hoton, Reuters

    Kociyan Manchester City, Pep Guardiola ya ce Rayan Ait-Nouri yana sawun gaba daga yan wasan da yake son dauka, domin magance matsalar gurbin mai tsaron baya daga bangaren hagu.

    City tana buga wasanni ba tare da dan wasan da ke buga gurbin ba, tun bayan da Benjamin Mendy ya bar kungiyar. Ya yi mata wasan karshe a cikin watan Agustan 2021.

    Hakan ya sa Guardiola ya yi amfani da Oleksandr Zinchenko da Joao Cancelo da kuma Josko Gvardiol a madadin Mendy.

    Daga baya ne matashin dan wasa Nico O’Reilly ya dace da gurbin mai tsare baya daga gefen hagu a lokacin da aka kusan kammala kakar da ta wuce.

    Yanzu dai Guardiola na son sayen dan wasan Wolves, Ait-Nouri domin yake buga wa City gurbin.

    Har yanzu ba ta kai ga cimma yarjejeniya da mai shekara 23 dan Aljeria ba, amma wata majiya na cewa City za ta dauki dan wasan.

    Tawagar Algeriya ta gayyaci Ait-Nouri domin ya buga mata wasan sada zumunta da Rwanda ranar 5 ga watan Yuni da karawa da Sweden kwana biyar tsakani.

    Ya kamata City ta dauki Ait-Nouri kafin ranar 10 ga watan Yuni, domin ya samu damar buga mata Club World Cup.

18. 2 Yuni 2025Barcelona na tattaunawa da Partey, Liverpool na harin Kerkez

    

    Asalin hoton, Getty Images

    Barcelona ta shiga tattaunawa da ɗan wasan tsakiya a Arsenal da Ghana, Thomas Partey, mai shekara 31, wanda kwantiraginsa ke ƙarewa cikin watan Yuni. (Sun)

    Liverpool na shirin gabatar da tayi kan ɗan wasan Bournemouth da Hungary, Milos Kerkez mai shekara 21, wanda ake kiyasin kuɗinsa kan £40m. (GiveMeSport)

    Liverpool ta gaza bayan gabatar da tayi har biyu kan ɗan wasan Bayer Leverkusen da Jamus, Florian Wirtz mai shekara 22, yanzu dole su karkata kan Harvey Elliott na Ingila mai shekara 22 da Jarell Quansah mai shekara 22. (Kicker via Mirror)

    Ɗan wasan Ipswich da Ingila, Liam Delap mai shekara 22, ya kammala binciken farko na lafiya a kokarin komawa Chelsea kan kwantiragin £30m. (Fabrizio Romano)

    Everton na son ɗan wasan tsakiya a Brighton, Matt O'Riley mai shekara 24, amma ba ta da tabbacin za a sayar mata da shi. (Sky Sports).

    Karanta cikakken labarin a nan

19. 1 Yuni 2025John Stone zai ci gaba da jinya a tawagar Ingila

    

    Asalin hoton, Getty Images

    John Stones zai ci gaba da jinya a tawagar Ingila, bayan da ya je sansanin da take atisaye a Sifaniya a shirin da take na buga wasan neman shiga gasar kofin duniya ranar Asabar da Andorra.

    Stone na jinya tun daga cikin watan Fabrairu, wanda ba zai iya buga wasan da Andorra ba, sakamakon da bai koma kan ganiya ba.

    A cikin watan nan Ingila za ta fafata da Andorra da kuma wasan sada zumunta da Senegal.

    Wannan shi ne karon farko da ɗan wasan tawagar Ingila ya je sansanin tun bayan da aka bai wa Thomas Tuchel aikin kociyan kasar.

    Wasa 20 ya buga wa City, kuma na karshe a ciki shi ne wanda Real Madrid ta yi nasarar cin 3-1 a Champions League ranar 19 ga watan Fabrairu.

    Rabon da ya yi wa Ingila tamaula tun cikin watan Oktoba, karkashin Lee Carsley.

20. 1 Yuni 2025

    Los Angeles FC karkashin shugaba, Hollywood da Will Ferrell da Magic Johnson, za ta buga Club World Cup da za a fara daga ranar 14 ga watan Yuni.

    Tana cikin rukuni na huɗu da ya haɗa da Chelsea da ƙungiyar Brazii, Flamengo da kuma Esperance de Tunis ta Tunisia.

    Za a fara wasan farko tsakani da Aly Ahly da Inter Miami.