BBC News, پښتو - کور پاڼه

مهم خبرونه

بدخشان کې د یوه ځايي قومندان وژل کېدل: د طالبانو حکومت وايي، وژل شوي سړي له "داعش" سره تړاو درلود
په بدخشان ولایت کې د طالبانو حکومت د امنیه قومندانۍ ویاند احسان الله کامګار بي بي سي ته وویل: " دی یو له هغو کسانو وو چې له داعش ډلې سره یې تړاو درلود. د کشفي او اسختباراتي ادارو تر څار لاندې وو. تېره ورځ امنیتي ځواکونو هڅه کوله هغه له خپله کوره ونیسي خو مقاومت یې وکړ او د مقاومت پایله کې یې خپل ژوند بایلود." ښاغلی کامګار وايي، زید الله کومه وسله واله ډله نه درلوده او په یوازې سر یې له اسلامي دولت نومې ډلې سره فکري تړون کړی وو.
۱ ساعت وړاندې
طالبان وايي، د ګوزڼ ضد واکسین کارکوونکي وژنې په تور یې یو کس نیولی
د طالبانو حکومت د کورنیو چارو وزارت وايي، د پکتیا ولایت په مرکز ګردېز کې یې د پولیو یا ګوزڼ ضد واکسینو یوه کارکوونکي وژنې په تور یو کس نیولی دی. د کورنیو چارو وزارت ویاند عبدالمتین قانع بي بي سي ته وویل، دا پېښه له یوې لفظي شخړې وروسته رامنځته شوې ده. ښاغلي قانع زیاته کړه: '' په یوه ناسته کې لفظي شخړه شوې، له هغه وروسته څلور کسان تښتېدلي او یو کس په مرموز ډول وژل شوی دی.''
۲ ساعتونه وړاندې
ترکیه کې د "ملي ډیالوګ" ناسته: ګډونوال یې وايي، افغانستان دې بېرته له نړیوالې ټولنې سره همغاړی شي
د جینیوا خبرو او پرمختګ بهیر نومې بنسټ په کوربتوب د ترکیې په انتالیا کې د "ملي ډیالوګ" پرلپسې څلورمه ناسته کې ګډونوالو ټینګار کړی، چې د ملګرو ملتونو او نړیوالې ټولنې د هڅو په دوام دې افغانستان له ګوښي حالته وایستل شي.
۴ ساعتونه وړاندې
یونیسف: 'له درېیو یوه برخه افغانان پاکو اوبو ته لاسرسی نه لري'
په افغانستان کې د ماشومانو لپاره د ملګرو ملتونو د وجهي صندوق 'یونیسف' مشر تاج الدین اویوال پر خپل اېکس 'پخواني ټوېټر' له یوه پیغام سره یو انځور خپور کړی او وايي، چین ته د سفر پرمهال یې له خصوصي سکټور سره په ګډه غونډه کې د افغانستان لپاره د ګډو همکاریو پر فرصتونو خبرې کړې دي.
۸ ساعتونه وړاندې
لیورپول کې د فوټبال پر نندارچیانو د موټر خېژولو پېښه: تر اوسه څه پېښ شوي؟
د بریتانیا په لېورپول کې د فوټبال غوره لیګ سیالیو بریا لمانځل کېده، چې د جشن ګډونوالو پر ګڼه ګوڼه یو موټر ورغی او پلي روان خلک یې ټپیان کړل. د دې پېښې په تړاو یو ۵۳ کلن سړی ونیول شو. د پېښې په ځای کې ثبت شویو ویډيويي کلیپونو کې لیدل کېږي، چې یو موټر په خورا چټکۍ سره د خلکو ګڼې ګوڼې ته ننوځي او د جشن ګډونوال یو بل لور ته منډه اخلي.
۸ ساعتونه وړاندې