تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
مصر کې نوې کشف شوې مجسمه د 'دویم رمسیس نه ده'
د مصر د لرغونو اثارو وزیر ویلي، وروستیو کې د قاهرې خټینه ځمکه کې کشف شوې مجسمه د دویم رمسیس نه ده، بلکې ښايي د یوه بل واکمن وي.
وزیر خالد العناني یوې خبري غونډې ته وویل، په لږ ټینګاره سره ویلای شو چې دا مجسمه د لومړي "اپسماتیک" پاچا ده، چې له میلاد وړاندې یې د ۶۶۴ او ۶۱۰ کلونو ترمنّ مصر کې واکمني کړې ده.
کارپوهان پر دې باور دي چې دا د دویم رمسیس مجسمه ده - چې له اپسماتیک یې شپږ سوه کاله وړاندې واکمني کړې - ځکه چې د هغه اړوند یوه ځانګړي معبد ترڅنګ کشف شوې ده.
خو پر دې لویې مجسمې د اپسماتیک له پنځو نومونو یو په مجسمه کې حکاکي شوی دی.
العناني وايي، په هر حال، ددې مجسمې کشفېدل مهمه چاره ده.
"اهرام آنلاین" وېبپاڼې د یاد وزیر له خولې ویلي: "که رښتیا هم دا مجسمه د اپسماتیک وي، نو دا به په مصر کې د وروستۍ واکمنۍ تر ټولو لویه کشف شوې مجسمه وي."
کارپوهانو وروسته تر هغه یوه تېروتنه کشف کړه، چې د قاهرې موزیم ته یې له خټو دغه نهه متره لوړه مجسمه لېږدوله.
دا مجسمه د مصري - جرمني د لرغونپوهانو د ګډې ډلې له خوا په اوبو کې نیمه ډوب حالت کې موندل شوې، او څو ټوټې شوې ده، چې یوازې د سینې وزن یې درې ټنه دی.
د لغرونو اثارو وزارت ویلي، د مجسمې د ترمیم او د دوو برخو یوځای کېدو د شونتیا هیله لري.