Wararkii ugu dambeeyay dagaal beeleed dad badan ku dhinteen oo ka dhacay gobolka Galagduud iyo sida hadda xaaladdu tahay

Tebin toos ah

1. 5 Juunyo 2024Qoorqoor oo wasiirro cusub magacaabay

   

   Xigashada Sawirka, Daljir

   Madaxweynaha dowlad-goboleedka Galmudug Axmed Cabdi Kaariye Qoorqoor ayaa magacaabay wasiirro cusub oo ka mid noqonaya maamulkiisa.

   Sida lagu shaaciyey wareegto ka soo baxday madaxtooyada Galmudug oo nuquul ka mid ah ay BBC-du heshay, Mr. Qoorqoor ayaa magacaabay 4 wasiir, 2 wasiiru-dowle iyo 1 wasiir ku xigeen. Xubnaha cusub ee la magacaabay ayaa kala ah:

   1.Cabdiweli Cabdullaahi Jaamac, Wasiirka Caafimaaadka iyo Daryeelka Bulshada

   2.Cabdinuur Maxamud Maxamed, Wasiirka Gaadiidka iyo Duulista Hawada

   3.Cabdiwahaab Sh. Abuukar Nuur, Dhallinyarada iyo Ciyaaraha.

   4.Cabdirisaaq Maxamed Jaamac, Wasiiru-dowlaha Maaliyadda

   5.Cabdulqaadir Sh. Xasan Ismaaciil, Wasiiru-dowlaha Waxbarashada

   6.Cabdulqadir Axmerd Maxamud, Wasiir Ku-xigeenka Gaadiidka iyo Duulista Hawada.

2. 4 Juunyo 2024Dood fool ka fool ah oo telefishinka ah oo caawa dhexmari doonto Sunak iyo Keir Starmer

   

   Rishi Sunak Ra'iisulwasaaraha Uk iyo hoggaamiyaha xisbiga mucaardka ah ee Labour Keir Starmer ayaa isku diyaarinaya inay fooda is daraan dooddii ugu horreysay ee fool ka fool ah telefishinka taas oo ku saabsan doorashada UK.

   Hogaamiyayaasha Tory iyo Labour ayaa isku dayi doonaan inay kala qeexaan xisbiyadooda inta ay dooddu socoto

   Doodda ayaa lagasii deyn doonaa si toos ah telefishinka ITV saacadda 21:00 .

   Dhanka kale, laba qof ayaa la xiray ka dib markii cabitaanka caanaha qudaarta ka sameysan lagu tuuray hogaamiyaha Reform UK Nigel Farage xaafadda Clacton.

3. 4 Juunyo 2024Ra’iisul Wasaare Xamsa oo Khudbadiisa shir madaxeedka Kuuriyada Koonfureed kaga hadlay fursdaaha ka jira Afrika

   

   Xigashada Sawirka, OPM Somalia

   Ra’iisul Wasaaraha Soomaaliya, Mudane Xamsa Cabdi Barre ayaa khudbad uu ka jeediyay shir madaxeedka Kuuriyada Koonfureed iyo Afrika waxa uu ka hadlay ahmiyadda ay leedahay in Jamhuuriyadda Kuuriya Koonfureed iyo dalalka Afrika ay iska kaashadaan dhinacyada ganacsiga, farsamada iyo tiknoolajiyadda.

   Ra’iisul Wasaaraha ayaa khudabddiisa ku sheegay in Afrika ay horumar wanaagsan ka sameyneyso isbeddalka dhaqaalaha iyo horumarka bulshada, isla markaana Aagga Ganacsiga Xorta ah ee Qaaradda Afrika uu abuurayo fursado maalgashi iyo iskaashi dhinaca ganacsiga.

   Mudane Xamsa waxa uu ka hadlay in Soomaaliya ay dhacdo goob istiraatiiji ah oo isku xireysa Afrika iyo Asia, isla markaana Alle ugu deeqay kheyraad dabiici ah, isagoo Intaa raaciyay in dowladda Soomaaliyeed ay guulo waaweyn ka gaartay dhinacyada amniga, siyaasadda iyo horumarinta nidaamka dhaqaalaha iyo weliba sharciyadaeed ee dalka, ee fududeyneya maalgashiga caalamiga ah.

   Waxa uu sheegay in uu rajeynayo in waaya-aragnimada Kuuriya ee dhinacyada farsamada, tiknoolajiyadda iyo caafimaadka ay door wanaagsan ka ciyaari karaan waaga cusub ee iskaashi ee u billowday Afrika iyo Jamhuuriyadda Kuuriya

   

   Xigashada Sawirka, OPM Somalia

4. 4 Juunyo 2024Ra'iisul wasaare Narendra Modi oo ku dhawaaqay in uu ku guuleystay doorashada Hindiya

   

   Xigashada Sawirka, re

   Ra'iisul wasaare Narendra Modi ayaa ku dhawaaqay in uu ku guuleystay doorashada Hindiya, inkastoo isbaheysigiisu ay ka hooseeyaan 400 oo kursi ee ay doonayeen in ay ku guuleystaan.

   Isbahaysiga uu hogaamiyo BJP ayaa ku hogaaminaya wax ka yar 300 oo kursi, halka xisbiyada mucaaradka ay ka horreeyaan ilaa 230

   Xisbiga ama isbahaysig ku guulaysta in ka badan 272 kursi oo ka mid ah 543 xubnood ee baarlamaanka ayaa soo dhisi kara xukuumadda.

   Isaga oo ka hadlayey Delhi, waxa uu u mahadceliyay codbixiyaasha "Gudashada waajibaadkooda"

   "Dadku waxay rumaysteen NDA (Isbahaysiga Dimuqraadiga Qaranka) mar saddexaad oo isku xigta," Modi ayaa ku qoray sdiaasi barta X mar sii horreysay. "Tani waa mid taariikhi ah oo ku suntan taariikhda Hindiya"

   Doorashadii ugu wayneyd adduunka waxa la qabtay todobo waji mudo lix todobaad ah, iyada oo ku dhawaad ​​hal bilyan oo qof ay isku diwaan galiyeen in ay codeeyaan.

5. 4 Juunyo 2024Maamul goboleedyo ku yaal Kenya oo sheegay in ay mam-nuuceen qaadka nooca Muguka

   Dalka Kenya waxaa wali ka socota dood ka dhalatay mamnuucidda qaadka nooca loo yaqaano Muguka.

   Barasaabyada 6 maamul gobleed oo ku yaalla xeebta dalka Kenya ayaa sheegay in ay deegaanadooda ka mamnuuceen qaadkan.

   Barasaabyadan ayaa sidoo kale ku gacan seyray inay la kulmaan wasiirka beeraha Kenya Mithika Linturi si ay ugala hadlaan mamnuucidda noocan qaadka kamidka ah. Halkan ka dhageyso wareysi ku saabsan qoddobkaas.

6. 4 Juunyo 2024Maxkamadda Racfaanka oo denbi ku weysay masuuliyiin ku eedeysnaa musuqmaasuq

   

   Xigashada Sawirka, Radio Muqdisho

   Maxkamadda Racfaanka Gobolka Banaadir ayaa maantay dib ugusoo celisay xorriyadooda laba Agaasime Agaasime oo hore oo ka tirsanaa Wasaaradda Shaqada iyo Arrimaha Bulsha kadib markii ay laashay dacwaddii musuqmaasuq ee loo haystay.

   Guddoomiyaha Maxkamadda Racfaanka Gobolka Banaadir, Siciid Cali Maxamed, ayaa ku dhawaaqay in aanay wax dembi ah ku helin Agaasimeyaashii hore ee Wasaaradda, C/laahi Maxamed Cali iyo Maxamed Cadde Mukhtaar, isagoo ku amray hay’adaha ay khusayso in la sii daayo oo xorriyadooda dib loogu celiyo.Dhanka kale Waxa ay Maxkamadda ku xukuntay C/waaxid Muxsin Ibraahim oo maqane ah saddex sano oo xarig ah.

   Raggan ayaa xabsiga ku jiray labadii sano ee la soo dhaafay, kaddib markii lagusoo eedeeyay in arrimo la xiriira musuq-maasuq ay ka sameeyeen Wasaaradda Shaqada iyo Arrimaha Bulshada.

7. 4 Juunyo 2024Wasiir Fiqi oo u ambabaxay New York si uu uga qeybgalo kulanka doorashada xubnaha Golaha Ammaanka

   

   Xigashada Sawirka, Radio Muqdisho

   Wasiirka Arrimaha Dibadda iyo Iskaashiga Caalamiga ee Soomaaliya, Axmed Macallin Fiqi, ayaa maanta safar ugu amabaxay magaalada New York, isaga oo hoggaaminaya Wafdiga Soomaaliya ee ka qeybgalaya meertada 78aad ee fadhiga guud ee Qaramada Midoobey oo lagu dooranayo xubnaha Golaha Ammaanka ee Qaramada Midoobay taas oo lagu wado inay qabsoonto 6 bishan June.

   Soomaaliya oo ah murashax , ayaa murashaxnimadeeda ku dhawaaqday sanadkii 2018, waxayna si rasmi ah taageero uga heshay kulankii caadiga ahaa, meertadiisa 44aad ee Golaha Fulinta ee Midowga Afrika ee qabsoomay bishii Febraayo ee sanadkan.

8. 4 Juunyo 2024Mbappe oo sheegay in ku biiristiisa Real Madrid ay tahay riyo rumowday

   

   Xigashada Sawirka, Getty Images

   Weeraryahanka reer Kylian Mbappe ayaa sheegay in ay tahay “riyo rumowday” iyadoo la xaqiijiyay in uu ku biirayo kooxda Real Madrid ee mudada dheer la sugayay in uu ku biiro.

   Mbappe, oo 25 jir ah, ayaa u dhaqaaqi doona garoonka Bernabeu Stadium heshiis shan sanno ah kadib markii qandaraaskiisii Paris St-Germain uu dhacay 30ka June.

   Waxa uu mushaar ahan u qaadan doonaa 15m euros (£12.8m) xilli ciyaareedkiiba, iyo 150m euro (£128m) oo gunno saxiix ah oo uu ku heli doono doono muddo shan sano ah, waxaana uu ilaalin doonaa qeyb ka mid ah xuquuqda sawirkiisa.

   "Qofna ma fahmi karo sida aan hadda ugu faraxsanahay!" Mbappe ayaa sdiaasi soo dhigay Instagram-ka.

   "Riyo rumowday, aad ayaan ugu faraxsanahay oo aan ugu hanweynahay inaan ku biiro kooxdii riyadeyda."

9. 4 Juunyo 2024Sidee fadeexadda lagu helay Trump u saameysay xaaskiisa Melania?

   

   Xigashada Sawirka, Getty Images

   Madaxweynihii hore ee Mareykanka Donald Trump ayaa sheegay in dacwaddii dhawaan lagu oogey ee la xiriirtey shaqshaqasho ay sameyn qallafsan ku yeelatay xaaskiisa.

   Dacwadan oo in muddo sahba soo jiitameysey ayaa la xiriirtay eedeyn ay Trump u jeedisey gabar ka mid ah kuwa jila filimada “qaangaarka” loo yaqaan oo lagu magacaabo Stormy Daniels, taas oo sheegtay in uu xodxotay dabadeed lacag shaqshaqasho ah siiyey xilli uu degenaa magaalada Washington.

   Xeerbeegti u fariisatay dacwadda shaqshaqashada ayaa todobaadkii la soo dhaafay Trump ku helay dambi lagu soo eedeeyey.

   Donald Trump oo goor dambe hadlay ayaa ganafka ku dhuftay go’aanka xeerbeegtida oo uu ku tilmaamay mid la siyaasadeeyey, islamarkaana looga gollahaa in sumcadiisa iyo tan qoyskiisa lagu dhaawaco.

   Mr. Trump ayaa sheegay in dacwadda lagu soo oogey xilli xasaasi ah oo uu u taagan yahay doorashada madaxtinimada oo lagu wado in ay dalkaas ka dhacdo dabayaaqada sannadkan, wuxuuna si gaar ah u xusay in fadeexadani ay nyad ahaan saameysay xaaskiisa Melania.

   Stormy Daniels ayaa mar ay saxaafadda la hadashay sheegtay in Donald Trump uu ceeboobay islamarkaana uu mudan yahay in lagu xukumo xabsi adag. Waxayna dhanka kale fariin u dirtay xaaskiisa Melania Trump oo ay ku guubaabisey in ay isaga tagto si uusan sumacaddeeda ula degin

10. 4 Juunyo 2024, Banki caan ah oo loo hyasto in uu taageero argagixiso

    

    Xigashada Sawirka, Reuters

    Banki laga leeyahay dalka Britain ayaa ka baxsaday dacwada la xiriirta in uu fududeeyey qorshe malaayiin Doollar oo lacag ah loogu gudbiyey kooxo taabacsan argagixiso.

    Sida ku cad waraaqo caddeyn ah oo lagu soo bandhigay maxkamad ku taal Mareykanka, Bankiga Standard Chartered oo ka mid ah bankiyada ugu waa weyn UK, ayaa ka bedbaadey dacwad uga timaadda Waaxd Caddaalad Mareykanka, ka dib markii ay soo faragelisey xukuumaddii Lord Cameron 2012.

    Caddeymo cusub oo la hor keenay maxkamad ku taal magaalada New York ayaa muujinaya in bankigani kulug yeeshay macaamilaad maaliyadeed oo ku kacaya qiime dhan Boqol bilyan oo Doollarka Mareykanka ah oo intii u dhexeysay 2008 illaa 2013 uu u fuliyey dalka Iran, iyadoo ay dalkaas saarnayd cunaqabatayn calami ah.

    Khuburo madaxbannaan ayaa sidoo kale ogaadey in bankiga Standard Chartered uu sidoo kaleku lug lahaa ku dhawaad toban bilyan oo Doollar oo lacag adag oo loo waaridey kooxo dowladda Mareykanku u aqaansantahay “agagixiso”, sida Xisbullah, Xamas, al-Qaeda and the Taliban.

    Haseyeeshee Bankiga ayaa si adag uga hor yimid eedeynta loo soo jeediyey, isagoo ku andacoodey in dadka firimbiga ku yeeriyey aysan la soo shir tagin eedo loo qaateen ah.

11. 4 Juunyo 2024Mareykanka oo soo saaraya amarro culus oo dhanka socdaalka ah

    

    Xigashada Sawirka, Getty Images

    Madaxweyne Joe Biden ayaa lagu wadaa in uu Talaadada soo saaro amaro culus oo lagu xakameynayo qulqulka soogalootiga sharci darrada ku soo gala Mareykanka.

    Amarkan la qorsheeyey ayaa laamaha socdaalka awood dheeri ah u siinaya in ay si degdeg ah u tarxiilaan dadka seeragoyska ah, siiba kuwa ka soo tillaaba soohdinta dalkaasi la wadaago Meksiko, islamarkaana aan la tixgelin codsiyadooda magangelyo.

    In ku dhow Lix milyan iyo Bar soogalooti ah ayaa la joojiyey iyagoo ka soo gudbaya xaduudda Mareykanka mudadii uu xilka hayey maamulka Biden, taas oo u nugleysey dacaayado lagu durayo karaankiisa, gaar ahaan xilligan oo uu olole ugu jiro dib u doorasho.

    Migrant arrivals have plummeted this year, however, although experts believe the trend is not likely to be sustainable.

    Telefishinka CBS oo BBC-da bahwadaag ku yihiin Mareuykanka ayaa wariyey madaxweyne Biden uu muddaba ka fikirayey adeegsiga sharciga 1952 kaas oo u ogolaanaya in uu xaddido nidaamka magalngelyada Mareykanka.

    Sharcigan oo loo yaqaan 212(f), ayaa madaxweynaha Mareykanka siinaya awoodo u uku hakin karo shisheeyaha dalka soo galaya, haddii uu u arko in imaanshoodu uu halis ku yahay danaha dalka.

12. 3 Juunyo 2024Maresca oo noqday maamulaha cusub ee naadiga Chelsea

    

    Xigashada Sawirka, Getty Images

    Chelsea ayaa u magacowday Enzo Maresca in uu noqdo maamulaha cusub ee naadiga iyagoo la galay heshiis shan sano ah iyo in lagu sii kordhin karo sanad kale.

    Maamulahan oo u dhashay Talyaaniga ayaa badalaya Mauricio Pochettino oo ku tagay heshiis labada dhinac ah 21-kii May kaddib markii uu hal xili ciyaareed la joogay naadiga.

    Maresca waa 44 jir, wuxuuna ahaa maamulaha Foxes isagoo la wareegay bishii June sanadkii 2023-kii, wuxuuna gaarsiiyay guul weyn.

    "In aad ku biirto Chelsea oo ka mid ah naadiyada ugu weyn adduunka waa wax uu tababare kasta doonayo” taasina waa sababta aan ugu faraxsanahay fursadan ayuu yiri Enzo Maresca.

    Maresca oo shaqadiisa cusub bilaabaya 1-da july ayaa joogaya Stamford Bridge shanta sano ee soo socota

13. 3 Juunyo 2024Safiir u dhashay UK oo xilka ka tagay kaddib markii uu qori ku taagay shaqaalihiisa

    

    Xigashada Sawirka, X/@SUBDIPLOMATIC

    Safiirka UK ee Mexico ayaa lagu soo warramayaa in uu ka tagay shaqada horaantii sanadkan kaddib markii uu qori ku taagay mid ka mid ah shaqaalaha safaaradda oo ah dadka deegaanka.

    Muuqaal fidiyow ah oo la soo dhigay baraha bulshada oo markii ugu horeysay ay warisay Financial Times ayaa lagu arkay Jon Benjamin oo qori ku beegsanaya nin kale. Waxaana ku hoos qornaa si kaftan ah “Dilalka joogta ee ay geysanayaan kuwa maandooriyaha ka ganacsada”

    Mr Benjamin kama hadal ilaa hadda kaftanka sida xun loo dhigay, mana jiraan war rasmi ah oo ku saabsan jagada Mr Benjamin oo ka soo baxay wasaaradda arrimaha dibadda UK balse kuma jiro magaciisa in uu safiir yahay bogga wasaaradda.

    Mr Benjamin ayaa hore safiir uga soo noqday Ghana iyo Chile, sumcadiisuna way ku duwaneyd heerka diblomaasiyiitna kale ee UK.

    Afhayeen u hadlay xafiisk arrimaha dibadda UK ayaa sheegay in ay la socdaan dhacdadaas, ayna qaadeen tallaabooyinka ku haboon.

    In ka badan 30 kun ayaa lagu dilay Mexico sanadkii la soo dhaafay. Wadanka waxaa ka jira sharciyo adag oo la xiriira hubka.

14. 3 Juunyo 2024Nigeria ayaa la damiyay korontada iyadoo shaqaalahana ay shaqada joojiyeen

    

    Xigashada Sawirka, GIFT UFEOMA/BBC

    Koronto la’aan ayaa ka jirta Nigeria oo dhan kaddib markii shaqaalaha dowladda ay shaqada joojiyeen. Duullimaadyada Lagos ee tagayay Abuja ayey sidoo kale carqaladeysay koronto la’aanta. Sidoo kale waxaa la xiray iskuulada, xafiisyada iyo isbitaalada dalka oo dhan.

    Korontada ayaa go’aday xalay abaarihii labadii habeenimo xiligaas oo xubno ka tirsan ururada ay horistaageen in shaqaalaha galaan qololka laga xukumo korontada.

    Shaqo joojinta waxaa lagu dhawaqay kaddib markii wadahadallada dowladda ee la xiriiray mushaaraadka ay guuldaresteen. Ururada shaqaalaha ayaa sidoo kale dalbanaya in laga noqdo qiima kordhinta korantada ee dhawaan la sameeyay.

    Ururada Shaqaalaha ayaa sidoo kale ugu baaqeen shaqaalaha caafimaadka, bangiyada, socdaalka iyo qeybaha kale ee dalka in ay joojiyaan shaqooyinka ilaa wargelin dambe.

    Madaxweyne Bola Axmed Tinubu ayaa isku dayayay in uu jaro lacagta ay dowladda ku kabto. Sicir bararka sii kordhaya iyo qiimaha lacagta Nigeria ee Naira-da oo hoos u dhacday ayaa keentay in qiimaha kordho.

15. 3 Juunyo 2024Dowalda Soomaaliya ayaa booqatay dhallinyaro tarhiibka ku tagay Libya

    Wasiirka Dhallinyarada iyo Ciyaaraha Dowladda Federaalka Soomaaliya, Maxamed Barre Maxamuud, ayaa Libya ku booqday qaar ka mid ah dhalinyarada Soomaaliyeed ee ku sugan halkaas kuwaas oo tahriib ku tagay Libya, waxaa la qorsheynayaa in Soomaaliya dib loogu celiyo.

16. 3 Juunyo 2024In ka badan 50 qof ayaa kuleyl ugu dhintay Hindiya saddex maalmood gudahood

    

    Xigashada Sawirka, Reuters

    Saddexdii maalmood ee la soo dhaafay ayey kuleyl u dhinteen dad ka badan 50 qof dalka Hindiya oo kuleyl aad u weyn uu ka jiray qeybo ka mid ah.

    Ku dhawaad 33 qof ayaa kuleyl dartii ugu dhintay gobolka waqooyiga ee Uttar Pradesh. Dadka dhintay waxaa ku jira kuwa ka shaqeynayay doorashooyinka guud.

    Gobolka Odisha waxaa kuleylka u geeriyooday 20 qof sida ay sheegeen sarkiil halkaas joogta.

    Dad kale oo geeridooda lala xiriirinayo kuleylka ayaa laga soo sheegay gobolada Bihar, Madhya Pradesh iyo Jharkhand.

    Xarunta xakameynta cudurada ee Hindiya ayaa ku tilmaantay kuleylka in uu yahay mid halis gelinaya noolaha.

    Dhowr gobol oo kale ayaa waxaa ka jira biyo iyo koronto yari taas oo ka timid sida weyn ee loo isticmaalay korontada. Maalmaha soo socda ayaa la filayaa inuu hoos u dhaco

17. 3 Juunyo 2024Shiinaha ayaa sheegay in ay xireen lammaane ay sirdoonka UK qorteen

    

    Xigashada Sawirka, Getty Images

    Shiinaha ayaa ku eedeeyay sirdoonka UK in ay qorteen lammaane Shiinees ah in ay u basaasaan. Waa tii ugu dambeysay eedeymaha u dhexeeya Shiinaha iyo reer galbeedka bilihii u dambeeyay.

    Sida laga soo xigtay wasaaradda amniga Shiinaha labada qof waxay MI6 qoratay kaddib markii ay ka faa’ideysatay “baahi weyn” uu u qabay inuu helo lacag Mr Wing.

    Eedahan ayaa soo baxay toddobaadyo kaddib markii UK ay ku eedeysay labo nin in ay Shiinaha u basaasayeen. Labada nin ayaa lagu eedeeyay in ay dal shisheeye siiyeen dukomentyo ama macluumaad. Shiinaha ayaa ku tilmaamay eedaha “Fadeexad xaasidnimo”.

    Shiinaha kama hadal sida ay ku heleen kiiska Mr Wang iyo xaaskiisa balse waxay sheegeen in ay ku heleen oo kaliya baaris.

    Shiinaha ayaa laga yaabaa in kiiskan ay si aargoosi ah bannaanka u soo dhigeen balse Beijing waxay sidoo kale hore basaasnimo ugu xireen kuwa kale sida uu sheegay Chong Ja-Ian oo ah aqoonyahan ka tirsan machadka Carnegie ee Shiinaha.

18. 3 Juunyo 2024Zelensky ayaa ka digay hadii Trump guuleysto in uu joojinyo kaalmada Ukraine

    

    Xigashada Sawirka, EPA

    Wargeyska Guardian ayaa daabacay wareysi gaar ah uu la yeeshay madaxweynaha Ukraine Volodymyr Zelensky kaas oo ka digay hadii Donald Trump ku guuleysto madaxweynenimada Mareykanka in uu joojinayo taageerada militeri ee Ukraine la siiyo.

    Trump ayaa sanadkii hore ballanqaaday hadii uu ka adkaado Joe Biden in uu jarayo taageerada militeri ee Ukraine, dagaalkana uu ku soo afjarayo 24 saac.

    Dadka ka agdhow Trump ayaa sidoo kale ka dhawaajiyay qorshe uu soo jeediyay oo lagu siinayo Ruushka gobolada bariga Ukraine iyo sidoo kale Crimea si dagaalka loo soo afjaryo.

    Madaxweyne Zelensky wuxu ku adkeystsay in dalkiisa uusan aqbaleynin qorshe ceynkaas ah iyo in Ruushku ku qasbanaan in dalkiisa ka haro fakarka ah in ay ku biiraan mustaqbalka NATO.

    2019-kii ayuu Trump weydiisay Zelensky inuu baaro dhaqdhaqaaqa Hunter Biden oo ah wiilka Biden. Waxaa la aamisan yahay sida xog si qarsoodi loo helay inuu ku hanjabay Trump inuu joojinayo gargaarka Mareykanka uu siiyo Ukraine hadii baarista aan lagu helin in Mr Hunuter uu xadgudub sameeyay.

19. 3 Juunyo 2024Kenya oo sagootisey xujeydii ugu horreysey

    

    Xigashada Sawirka, Aden Duale/Handout0

    Illaa 300 oo xaaji ayaa maanta ka ambabaxay garoonka diyaaradaha Jomo Kenyatta Airport ee magaalada Nairobi, iyagoo ku sii jeeda magaalada barakeysan ee Makka ee Boqortooyada Sacuudi Careebiya, si ay u soo gutaan waajibaadka xajka.

    Xujeydan ayaa waxaa garoonka ku sii sagootiyey madax ka socotey dowladda Kenya oo uu horkacayey Wasiirka Gaashaandhigga, Aaden Barre Ducaale oo ay wehliyeen mas’uuliyiin ka tirsan Golaha Sare ee Muslimiinta Kenya.

    Sida qorshuhu yahay Kenya waxaa sannadkan ka xajinaya 3,300 oo xaaji, ku waas oo hormo hormo u ambabaxaya.

20. 3 Juunyo 2024Reer TikTok: Jiilka aan qaangaarin

    

    Xigashada Sawirka, Getty Images

    Guurso, guri yeelo, carruurna dhal. Waa waxa inta badan waalidkeen ku fikiri jireen yaraantoodi. Laakiin sida ka muuqata hadalhaynta TikTok, inta badan dhallinyarada maanta himilooyinkaas qorshaha uguma jiraan, haddiise ay jiraan qaar ku haminaya noloshaas, waxay u badan tahay in ay dib u dhigaan illaa qaybaha dambe ee cimrigooda.

    Marka loo dhabbegalo muuqaallada qaar oo dhallinyaradu isku barbardhigaan iyaga iyo waalidkood, gaar ahaan wixii waalidkood u qabsoomay markii ay facooda ahaayeen iyo waxa iyaga u qabsoomay illaa hadda, waxaa kuu suu baxaya farqi weyn oo u dhexeeya labada jiil.

    Tusaale ahaan waalidaa markii ay da’daada jireen, waxay u badan tahay in ay carruur lahaayeen, lagana yaabo in ay ku jireen guri ay leeyihiin nuucuu doonaba ha aadee.

    Laakiin marka carruurtoodi la eego maanta, waxay u badan tahay in aysan intaba haysan, iyagoo laga yaabo in ay ka aqoon badan yihiin waalidkood, islamarkaana haystaan aalado shaqada sahla.

    Ellie Harris oo 25 jir ah, waalidkeed markii ay iyada la filka ahaayeen waxaa u joogey 3 carruur ah, iyadase weli faraha wax uguma jiraan. Sidaas oo ay tahayna waxay qabtaa in dadku aalaaba iska indho-tiraan xaqiiqada meesha taal oo ah daruufaha labada wakhti ay "gebi ahaanba kala duwan yihiin".

    Ellie waxay dhallinyarada faceed ah ku dhiirrigelineysaa in ay garowsadaan guulaha kale ee ay nolosha ka gaareen balse aysan isku cabirin jiilashii ka horreeyey. Tusaale ahaan, in ay ka tageen shaqo aysan ku faraxsaneyn, in ay ka qaybgaleen orodada dheer ama ay cawda jareen xiriir aan caafimaad qabin. Intaba waxay u aragtaa guulo lagu faani karo.