تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
اېلان مسک د ټېسلا شرکت د یوه ۲۰ میلیون لګښتي ټویټ له کبله محاکمه کېږي
اېلان مسک د ۲۰۱۸ کال د هغه ټویټ په اړه محاکمه کېږي چې د ۷۲ میلیاردو ډالرو په یوه معامله کې ټېسلا شرکت د خپل شخصي ملکیت ګرځولو شونتیا پکې وه.
د ټېسلا شرکت ونډوالو د ښاغلي مسک پرضد قضايي دعوا وکړه او هغه یې د شرکت د ونډو په بیو د لوبې په کولو تورن کړی و.
په ۲۰۱۸ کال، مسک پر ټویټر یوه ټویټ کې ویلي وو، چې د ګاډو جوړولو شرکت د هغې معاملې واک لري چې کولی شي خپل شخصي ملکیت یې وګرځي، خو هغه دا شرکت خپل شخصي ملکیت نه کړ.
د ټېسلا شرکت ونډه لرونکو ویلي وو، د مسک د ټویټ له کبله یې وروسته تر هغه میلیاردونه ډالر تاوان وکړ چې د ونډو بازار راټیټ شو.
خو د شرکت اجراییوي مشر ویلي وو، باوري دی چې د سعوودي د عامه پانګونې له صندوق نه بسپنه ترلاسه کړي او په مالي لاسوندونو کې یې جعلکاري نه ده کړې.
که په سان فرانسیسکو کې د ټېسلا شرکت د ونډو لرونکو په ګټه حکم وشي، نو له مسک نه به د میلیاردونو ډالرو تاوان ورکولو غوښتنه وشي.
مسک د امریکا مالي پلاوي پلاوي او د ونډو بازار ته د ۲۰۱۸ کال د اګسټ د اوومې د ټویټ له کبله ۲۰ میلیون ډالر ورکړي او ټېسلا ته یې ۲۰ میلیون نور ډالر ورکړي دي.
پر دې سربېره، پلاوي د یاد ټویټ له کبله د ټېسلا شرکت د اداري شورا له مشرتابه نه مسک لیرې کړی دی.
قانوني کارپوهان وايي باوري دي چې ښاغلي مسک ته به په دې قضیه کې بریا ګرانه وي، ځکه چې د امریکا مالي پلاوي او د ونډو بازار ته ۲۰ میلیون ورکړل شوي ډالر یې ښايي پرضد وکارول شي.
ټېسلا شرکت باید په همدې قضیه کې ۲۰ میلیون نور ډالر ورکړي.
مسک غوښتل چې محاکمه یې ټکساس ته ولېږدول شي او دلیل یې دا و چې سان فرانسیسکو کې پر عادلانه محکمې باوري نه دی.
ډېری وکیلانو ویلي چې دغه امریکايي میلیاردر ته په منفي نظر ګوري، خو قاضي ویلي محکمه به په کلیفورنیا کې جوړېږي.