Waraanni Israa’el Hamaas injifachuun booji’amtoota Gaazaa keessatti hafan bilisa baasuu mirkaneessuu irratti kaayyeffachuunhaleellaa cimaa jalqabuu isaa beeksise.
Akka viidiyoo Humni ittisaa Israa'el gadhiiseetti, lammiin US-Israa'el Edaan Aleksaander yeroo turtii ji'oota 19 Hamaasiin butamee tureen booda maatiisaatti wayita makametti miira addaati ture.
Daawwadhaa!
Madda suuraa, IDF
Lammiin Israa’el-Ameerikaa Edaan Aleksaander jedhamu Hamaasiin butamee ture gadhiifamee ji’oota 19 booda maatiisaatti makame.
Dargaggeessi umuriin isaa wagga 21 ta’e kun Onkoloolessa 7, 2023 yeroo Hamaasiin butamee fudhatametti daangaa Gaazaarra loltuu Israa’el ta’ee hojjiirra ture.
Gaafa Wixataa, Israa’el nama butamee kanaaf haala mijeessuuf oppereeshinii waraanaa gaggeessaa jirtu dhaabdee ture. Aanga’aan olaanaa Hamaas tokko BBC'tti akka himetti, kaayyoon nama kana gadhiisuu tarkaanfii gaarii agarsiisuufi osoo Pirezidantiin US Doonaald Tiraamp daawwannaaf gara Baha Giddu-galeessaa hin dhufiin dura waliigaltee dhukaasa dhaabuu haaraarra gahuuf tarkaanfii fudhatamedha.
Edaan Aleeksaander lammii Ameerikaa Hamaasn butamee lubbuun jiru isa dhumaati jedhamee yaadama.
Pirezidant Tiraamp maatiisaatiin ilmisaanii gadhiifamuusaatti “baga gammaddan” jedheera.
Ibsa baasaniin, maatiin dargaggeessa kanaaf pirezidantii US galateeffataniiru, namoonni butamanii jiran 58 ammas akka bahaniif mootummana Israa’eliifi jaarsoliin akka cimsanii hojjetaniif gaafataniiru.
Edaan Aleeksaander erga Isra’el waliigalteen dhukaasa dhaabuu ji’a lamaa xumuramee booda Bitootessa 18 tarkaanfii waraanaa jalqabdee nama Hamaasiin gadhiifame jalqabaati.
Gaafa Wixataa, Edaan Aleksaander yeroo isaan magaalaa Gaazaa kibbaa kan taate Kahaan Yunuusitti hojjetoota Fannoo Dimaatti dabarsan loltoota Hamaas maaskii godhatan waliin mul’atee ture.
Isaan booda osoo maatiisaatti hin makamiin aanga’oota Israa’el gaazaa jiranitti dabarfamee kenname.
Madda suuraa, Getty Images
Leenjisaan garee kubbaa miilaa Riyaal Maadriid Kaarloo Anchelootiin dhuma baatii kanaatti kilaba Ispeen kana gadhiisee leenjisaa haaraa garee biyyaalessaa Biraazil akka ta'u mirkanaa'era.
Leenjisaan lammii Xaaliyaanii ganna 65 kun xumura bara dorgommii Laaligaa hordofuun Caamsaa 26tti ifatti hojii isaa garee Biraazil waliin jalqaba
Kanaanis Leenjistoota garee Kubba miilaa Riyaal Maadriid milkaa'ina guddaa qaban keessaa tokko kan ta'ee Anchilootiin bara kana Santiyaagoo Bernaaboo gadhiisee deema.
Anchelootiin Riyaal maadiriid waliin waancaa heddu kan injifate ta'ullee bara kana garuu milkii hin tolle.
Injifannoo Arsenaalin Shaampiyoonsi liigii kan kufe Maadriid tapha laalligaa elkilsaaikoo kaleessa galgalas Baarsadhan mo'amee bahe.
Ibsi Konfedereeshinii Kubbaa Miilaa Biraazil (CBF) irraa kenname Anchelootiin leenjisaa biyya alaa garee kana cimsuuf gaafatamummaa fudhatu ta'uu ibseera
Madda suuraa, EPA
Warreen adiin Afrikaa Kibbaa Doonaald Tiraamp baqattummaan Ameerikaa akka eeyyameef 49 yeroo muraasa keessatti Ameerikaa qaqqabu jedhame.
Xiyyaarri namoota kana Dilbata magaalaa Johaanisberigirraa fe’e Wixata waaree boodaa Waashignteen DC qubata jedhamee eegama.
Pirezedanti Tiraamp warreen adiin Afrikaa Kibbaa jiraatanirra ‚‘‘loogii sanyummaatu iirra qaqqabaa jira‘‘ erga jedhanii booda hariiroon Afrikaa Kibbaa fi Ameerikaa laafera.
Ministirri Dhimma Alaa Afrikaa Kibbaa Roonaald Lamohaa ‚‘‘cunqursaan warra adirraa qaqqabu hin jiru‘‘ jechuun himannaa irratti dhiyaate fudhatama dhabsiisaniiru.
Ameerikaan mootummaan Afrikaa Kibbaa qonnaan bultoota warreen adiirraa lafa fudhataa jira jechuun imaammaata keessoo biyyattii qeeqxe.
Madda suuraa, Reuters
Gabaasni haaraan hordoffii beelaa idil Addunyaa akkam jedhetti, ummanni Gaazaa guutuun, ummanni gara miliyoona 2.1 ta’u, ji’oota 19' f waldhabdee, buqqa’iinsa fi uggura deeggarsa nyaataa jala ture balaa beelaa guddaaf saaxilameera.
Akka gabaasa IPCtti beela addunyaa kan Dhaabbata Biyyota Gamtoomanii fi dhaabbileen gargaarsaa hedduun itti fayyadaman ibsutti, uggurri Israa'el kun yoo itti fufe Gaazatti namootni walakkaa Miliyoonaa ta'an beela cimaatu isaan mudata.
Israa’el jalqaba baatii Bitootessaa irraa eegaltee gargaarsi kamiyyuu Gaazaa akka hin seenne dhorkiteetti, Hamaas namoota ukkamsee kanneen hafan akka gadhiisuuf dhiibbaa gochuuf ta'uu ibsiteetti
" Wantootni bu'uuraa jireenya namaaf barbaachisan yookaan lubbuun namoota tursiisuu danda'u torban kana keessa ni dhumaa ykn hanqina cimaa ta'a jedhamee eegama," jechuun IPC'n, Gaazaa keessatti "balaa beela" mudachuu akka danda'u ibsa.
Gabaasni kun ragaa Ebla 1 hanga Caamsaa 10tti bu’uura godhachuun kan qophaa’e yoo ta’u, kun erga xiinxala dhumaa Onkoloolessa keessa taasifamee as haalli jiru haalaan hammachuu agarsiisa jedha.
Madda suuraa, Addis Ababa City Communication
Finfinnee kutaa magaalaa Qirqoos aanaa 8 keessatti dhaabbanni konkolaataa kireessu Shaam jedhamu seera fayyadaa koriidarii cabsuudhaan birrii kuma dhibba tokko (100,000) adabamuu waajira danbii waabeffachuun Biiroon Komunikeeshinii magaalichaa gabaase.
Dhabbanni kun halkan dahooo godhachuudhaan misooma koriidaraa bakka hin hayyamamne fayyadamuun miidhaa geessiseera.
Gochi kun seera cabsuudhaan qabeenya ummataarra miidhaa geessisuu waan ta’eef adabbii maallaqaarra darbee itti-gaafatamummaawaan hordofsiisuuf, konkolaachisaan miidhaa geessise kun to’annoo seeraa jala akka ooluuf hordoffiin taasifama ajiraachuu odeeffannoo waajira daii kutaa magaalichaarraa argame ni mul’isa.
Madda suuraa, Reuters
US fi Chaayinaan taarifa/qaraxa walirra kaa'anii turan hir'isuuf waliigaluu oduun akkuma dhaga'ameen gatiin gabaa istookiifi boba'aa dabale.
Chaayinaa, Hong Kong keessatti Indeksiin Haang Seeng yeroo taaifa hir'isuun kun beeksifamu garmalee dabaleera.
Indeksiin (safara gabaa) ganama kana qofa %3.4n dabaleera.
Gatiin boba'aas akkuma kana kan dabale yoo ta'u, gatiin jikita barmeelii tokkoo %2.8 dabaleera.
Madda suuraa, Getty Images
Leenjisaan Maanchister Yunaayitiid Ruuben Amoriim gahumsa Maanchister Yunaayitiid liigicha keessatti agarsiisee itti fufa taanaan leenjisummaa garee kanaa akka dhiisuu malu beeksise.
Yunaayitid Dilbata kaleessaa garee taphoota saddeet darban injifannoo tokkollee hin argannee Weestihaamiin dirreessaa Oldii Tiraafoorditti 2-0n injifatame. Kunis bara dorgommii seenaa Yunaayitiid keessatti isa hamaa ta'ee galmaa'e ittii hammeesseera.
Mo'atamuusaa hordofee Yunaayitid qabxii 39n sadarkaa 16ffaarra jira.
Hegereesaarratti gaaffii akka gaafachuu eegale kan himu Amoriim, ''miiraa nuti kilaba guddaadha jedhu dhabaa jirra. Dirree ofiitti mo'atamuun dhuma baraati.
Odeessa ispoortii kanarratti dabalataan dubbiifachuudhaaf karaa kanaan seenuu dandeessu.
Madda suuraa, Reuters
US fi Chaayinaan guyyoota 90 taarifa hir’isuuf waliigalteerra gahuu ministirri maallaqaa Ameerikaa Iskoot Beesent beeksisan.
Akka Beesent jedhanitti, biyyoonni lamaan tarifa %115 hir’isuuf jiru.
Yeroo ammaa kana US meeshaa Chaayinaarraa galchiturra taarifa/qaraxa %145 kan keessee jirtu oo ta’u, Chaayinaan ammoo meeshaalee US irraa galchitu tokko tokkorra taarifa %125 keessee jirti.
Madda suuraa, EPA
Pirezidantiin Yukireen Volodmiir Zeleniskiin waraana dhaabuudhaaf Kamisa dhufaa pirezidantii Raashiyaa Vilaiir Puutin waliin mari'achuuf Istaambuuliitti argamuuf qophii ta'uu dubbatan.
Doonaald Tiraamp waamicha Tarkiitti dureewwan biyyoota lamaanii jidduutti marii kallattii taasisuudhaaf dhiyeessan Yukireen akka fudhattu erga gaafatanii boodadha kan Zeleniskiin qophii ta'usaanii toora X isaaniirratti ibsan.
"Ajjeechaa dheereessuun faayidaa omaa hin qabu. Kamisa Tarkiitti Puutiniin eega'' jechuun barreessan Zalaniskiin.
Pirezidantiin Yukireen kun kanaan dura biyyisaanii Raashiyaa waliin mari'achuuf qophii ta'usaanii himanii garuu, erga dhukaasa dhaabuun taasifameen booda akka ta'u dubbatanii ture.
Dureewwan biyyoota Awurooppaa ''Tumsa warra fedhii qaban'' jedhamuun beekaman erga Samabata darbe Kiivitti wal arganii booda, biyyoonni warra Lixaa kunneen Wiixata har'aa irraa kaasee lolli guyyoota 30f akka dhaabbatu gaafataniiru.
Puutin kallattiidhaan mari'achuuf gaaffii kan dhiyeessan jidduu galummaa biyyoota Lixaa kana hordofee ture.
Guyyaa Dilbataa Tiraamp miidiyaa hawaasaa irratti Yukireen ''battalumatti'' waliigaluu akka qabduufi karaa lolli ittiin dhaabbaturratti ibsa akka kennan ibsaniiru.
"Yoo xiqqaate waliigalteen ta'uufi dhiisuu isaa murteessuu ni danda'u, ykn yoo ta'uu hin danda'amne ammoo hoggantoonni Awurooppaafi US, wanti hundi eessa akka dhaabbate ni beeku, haaluma kanaan itti fufuu ni danda'u" jechuun Tiraamp itti dabaluudhaan, "Amma walgahiin ni taasifama!'' jedhan.
Zeleniskiin bareeffama X irratti maxxansaniin, Raashiyaan mariidhaan dura dhukaasa dhaabuuf walii akka galtu abdiin godhadha jedhaniiru.
Madda suuraa, EPA
Bataskaanni Kaatolikii du'a Poop Firaansis hordofuun Roobart Pireevost dhiyeenya kana dursaa haaraa gochuun filatte.
Poop Firaansis phaaphaasota duraanii wajjin wal bira qabuun yoo madalaaman ilaalcha wal danda'uu qabu, jireenya qananii phaaphaasonni biroo argan dhiisanii, jiruu idilee filatan.
Gaaffiin namoonni baayyeen dhiyeessaa jiran 'phaaphaasii haaraan tarii faana isaanii bu'uu">Waayit Haawus jeettii qananii pirezidantiin Ameerikaa fayyadamu maqaa ‘Air Force One’ jedhamuun beekamu haala argachuu danda’urratti maatii warra mootii Kaataar waliin dubbachaa jira.
Kaataar ibsa baasteen xiyyaarri kun akka jedhame kennaa osoo hin ta’iin “yeroodhaaf akka itti fayydamaniif” ykn ergisaan kennuudhaaf kan irratti dubbatamaa jiru jette.
Akka TVn michuu BBC Ameerikaatti, CBS, jedhetti xiyyaarri kun dhuma bara aangoosaatti laayibirarii pirezidantii Tiraampiif kennama.
Oduun kun kan dhaga’ame yeroo turban kana keessa Kaataariin daawwachuuf jira jedhamee eegamaa jirutiidha.
Madda suuraa, Reuters
Pirezidaantii Chaayinaa Shii Jinpiing fi giti isaanii Raashiyaa Vilaiir Puutin walitti walitti dhiheenyasaaniirraa kaa'uun kan argu hundi aanga'oota waliif michuu cimoo ta'an jedhanii ilaalu.
Fakkeenyaaf, guyyaa qophii yaadannoo xumura Waraana Addunyaa Lammaffaa gaafa Caamsaa 8, Moskootti kabajame irratti, yeroo waraanni biyyoota lamaanii waliin agarsiisa raawwataa turanitti, Shiii Jinpiing akka michuu cimaatti gama mirga Puutin dhaabachuun mul'atan.
Qophichaan sa'aatii muraasaan duras, Shii Jinpiing hariiroo biyyoota lamaan gidduu jiru 'kan hin cabnedha' jechuun ibsuun, Raashiyaa fi Chaayinaan biyyoota 'michuu akka sibiilaa cimoo' ta'uu dubbatan.
Daawwanaan milanaa kun Shii Jinpiing erga bara 2013tti pirezidaantii ta'anii booda daawwannaa 11ffaa Raashiyaatti taasisan yoo ta'u, kana malees hoggantoonni biyyoota lamaanii yeroo adda addaatti 40 ol wal arganii jiru.
Odeessa kanarratti dabalata dubbiisuudhaaf asiin seenuun argachuu dandeessu.
Madda suuraa, Reuters
Hamaas akka qaama tarkaanfii Gaazaa keessatti dhukaasa dhaabuuf fudhatamuutti lammii US-Israa'el maqaan isaa Edaan Aleksaandar jedhamu butee ture gadhiisuuf akka jiru ibse.
Murteen kuni dowwannaa pirezidant Doonaald Tiraamp Kibxata boruu Baha Giddu Galeessaatti taasisaniin duradha.
Hamaas akkasumas waliigaltee gargaarsi namoomaa akka seenu haala mijeessuu taasisuuf kan yaadame ta'uu ibseera.
Gaazaan guyyoota 70'f uggura Israa'el jala turte.
Kanaan dura qondaalli olaanaa Hamaas tokko BBC'tti akka himanitti, gareen hidhataa Filisxeem kun Kaataar keessaa qondaala bulchiinsa Ameerikaa waliin kallattiin marii gaggeessaa jira.
Waajjirri ministira muummee Israa'el akka jedhetti, Hamaas Aleksaandar gadhiisuuf yaada akka qabu karaa US beeksiseera.
Qondaalli olaanaan Filisxeem marii kana beekan tokko BBC'tti akka himanitti, beeksisni Hamaas kun osoo Tiraamp hin dhufiin dura fedhii gaarii agarsiisuuf yaadamee ture.
Adeemsa gadhiifamuu Edaan xumuruuf walgahiin biraa Hamaas fi giddu-seentoota gidduutti Wiixata ganama gaggeeffamuuf beellamamee akka ture kan dubbatan yoo ta'u, kunis sochii waraanaa Israa'el yeroodhaaf dhaabuu fi yeroo walharkaa fuudhinsiitti duula qilleensaas dhaabuu kan barbaadu ta'uu ibsaniiru.
Pirezidanti Tiraamp gadhiifamuu Aleeksaandar karaa maxxansa miidiyaa hawaasaa 'Truth Social' irratti barreessaniin mirkaneessanii, ''oduu gaarii'' fi ''tarkaanfii akka amanamummaa gaariitti fudhatame'' jechuun dubbatan.
Teel Aviiv keessatti kan dhalate garuu Niiw Jeersiitti kan guddate, dargaggeessi ganna 21 Aleeksaandar, haleellaa Onkoloolessa 7 raawwatameen hidhattoota Hamaasiin yeroo qabameetti daangaa Gaazaa irratti kutaa waraana miillaa keessa tajaajilaa ture.
Ashamaa hordoftoota BBC Afaan Oromoo bakka jirtan maratti.
Tamsaasa kallattii toora oduu ijoo addunyaa maraa isin biraan geenyu amma eegalleerra.
Odeessaalee dabalaatiif ammoo fuula Facebook keenya ,akkasumas WhatsApp Chaanaalii keenya millachuu hin dagatiinaa.
Olmaa gaarii qabaadhaa.
