اسرائیلو احمد د خپل کور ورانولو ته اړ کړی

نيول شوي بيت المقدس کې ۳۰۰ زره فلسطينيان اوسېږي، خو له هغه راهيسې چې غزه کې جګړه پيل شوې، د فلسطينيانو کورونو ويجاړولو کچه، د بشري حقونو څار ډلو په وينا نژدې دوه برابره لوړه شوې ده.. د کورونو ويجاړولو امر یې د اسرائيلو له لوري چلېدونکې ښاروالي ورکوي، چې وايي ډېرې ودانۍ يې په ناقانونه ډول جوړې شوې دي. د بي بي سي بيت المقدس خبريال واير ډېوېس له ځينو هغو فلسطيني کورنيو سره خبرې کړې، چې کورونه یې وران شوي دي.