Hikayata: Labarin Magaribar Jaki

Bayan kammala kawo muku labarai ukun farko da suka yi nasara a gasar Hikayata ta 2024 da BBC Hausa ta shirya, a yanzu kuma za mu fara kawo muku labarai 12 da alƙalan gasar suka ce sun cancanci yabo.

Kuma a yaun mun fara ne da labarin Magaribar Jaki, wanda Safiyya Mukhtar Garba daga jihar Kano ta rubuta, kuma Rabi'atu Kabir Runka ta karanta.

Marubuciyar ta gina labarin Magaribar Jaki ne kan wata budurwa da ta bijire wa umarnin iyayenta, ta kuma biye wa makauniyar soyayyar da take yi wa saurayinta, inda shi kuma daga ƙarshe ya kai ta ya kuma baro ta.

Yarinyar mai suna Ramatun Nabuta a cikin labarin ta bar gidan iyayenta ta bi saurayinta zuwa Legas, ƙarshe saurayin ya mutu a can ya barta, ita kuma ta faɗa bariki, daga ƙarshe kuma ta yi fargar jaji bayan da lokaci ya ƙure mata.