/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

ASau i holi'r gweinidog ynni am oedi morlyn Abertawe

MorlynPA

Byddai'r morlyn yn gallu darparu pŵer i 120,000 o dai pe bai'n cael ei gymeradwyo

Bydd gwleidyddion yn cwestiynu Gweinidog Ynni y DU, Claire Perry ddydd Llun ynglŷn â'r broses o wneud penderfyniadau ar Forlyn Bae Abertawe.

Bydd y Pwyllgor Busnes, Ynni a Strategaeth Ddiwydiannol a'r Pwyllgor Materion Cymreig yn ymchwilio hefyd i'r rhwystrau sydd wedi achosi oedi.

Mae disgwyl i ASau ofyn pryd fydd y penderfyniad yn cael ei gyhoeddi - gyda dyfalu y gallai'r penderfyniad gael ei gadarnhau ddydd Llun.

Bydd y pwyllgorau yn edrych ar gamau'r broses yn ogystal â'r rhesymau pam nad yw'r llywodraeth wedi dod i benderfyniad.

'Canolbwynt diamheuol'

Fe ddechreuodd y trafodaethau archwiliadol gan y llywodraeth yn 2013, a'r sesiwn ddydd Llun yw'r ail un sy'n holi am yr ymchwiliad.

Cafodd y sesiwn gyntaf ei chynnal ddechrau Mai ac ymhlith y rhai a fu'n rhoi tystiolaeth oedd Charles Hendry - awdur yr adolygiad annibynnol ar y morlyn, y Gymdeithas Frenhinol er Gwarchod Adar (RSPB), Tidal Lagoon Power, y cwmni ymgynghori Aurora Energy Research Ltd, Cyfoeth Naturiol Cymru ac Ystâd y Goron.

Ddydd Sul fe ddywedodd y Ceidwadwyr Cymreig y gallai cefnogi cynllun morlyn Abertawe arwain at "chwyldro economaidd".

Suzy Davies

Mae AC Ceidwadol Gorllewin De Cymru, Suzy Davies, yn credu y gallai'r morlyn arwain at chwyldro economaidd

Mae'r Ceidwadwyr yn annog aelodau eraill y blaid o fewn Llywodraeth y DU i gefnogi'r cynllun yn dilyn disgwyliadau ei fod ar fin cael ei wrthod.

Mae gweinidogion wedi dweud fod rhaid i'r cynllun £1.3bn ddangos gwerth am arian.

Dywedodd Suzy Davies AC y byddai'r morlyn yn dangos ei werth ariannol, a gall y DU ddod yn ganolbwynt "diamheuol" drwy'r byd o ran arbenigedd yn y maes.

Yn gynharach ym mis Mehefin fe wnaeth y Prif Weinidog Carwyn Jones gynnig £200m o arian Llywodraeth Cymru tuag at adeiladu'r morlyn.

Straeon perthnasol