/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Teyrnged i Dafydd Tudur wedi gwrthdrawiad Y Felinheli

Dafydd TudurNorth Wales Police

Bu farw Dafydd Tudur yn y fan a'r lle

Mae teyrnged wedi ei roi i ddyn 27 oed fu farw wedi iddo gael ei daro gan gar yng Ngwynedd yn oriau mân fore Sul.

Bu farw Dafydd Tudur - oedd yn wreiddiol o Forfa Nefyn - yn y gwrthdrawiad ar ffordd osgoi y Felinheli am tua 3:20am.

Roedd Mr Tudur yn gyn-ddisgybl yn Ysgol Morfa Nefyn, Nefyn, Botwnnog a Choleg Meirion Dwyfor.

Roedd yn byw yn y Felinheli ac yn gweithio fel cyfreithiwr ym Mangor.

Mewn datganiad, dywedodd ei dad, Gareth Tudor Morris Jones: "Mae hyn wedi bod yn sioc arthurol i ni gyd.

"Bydd yna fwlch enfawr yn y teulu ar ôl Dafydd Tudur ond rydan ni hefyd yn diolch am y saith mlynedd ar hugain llawn hapusrwydd a gafwyd efo Dafydd."

Cafodd y ffordd ei chau am nifer o oriau wedi'r gwrthdrawiad, ac mae'r heddlu yn apelio am wybodaeth.

Dywedodd llefarydd: "Rydym yn apelio ar unrhyw un a welodd berson yn cerdded ar hyd yr A487 cyn y gwrthdrawiad i gysyllltu â ni."

Ffordd osgoi'r Felinheli

Straeon perthnasol