Ruushka oo weerarkii ugu xoogganaa ku qaaday Ukraine

Tebin toos ah

1. 7 Juunyo 2025Iran oo la shaaciyay inay haysato agabkii ay ku sameyn lahayd Niyukleer

   

   Xigashada Sawirka, Getty Images

   Rafael Grossi, oo ah agaasimaha guud ee wakaaladda tamarta nukliyeerka ee caalamiga ah, ayaa ka digay in inkasta oo "Iran aysan hadda haysan hub nukliyeer ah, haddana ay leedahay walxaha lagama maarmaanka u ah dhisidda hub Nyukleer."

   Wareysi uu siiyay Financial Times, Grossi wuxuu sidoo kale ka digay in haddii Iran ay hesho hubka nukliyeerka, ay keeni karto 'falcelin ka dhacda Bariga Dhexe'.

   Agaasimaha guud ee hay’adda caalamiga ah ee tamarta Nukliyeerka waxa kale oo uu carabka ku adkeeyay in burburka ku yimid wada-hadallada nukliyeerka ee u dhexeeya Maraykanka iyo Iran ay “si macquul ah u horseedi karto tallaabo millatari” oo ka dhan ah Iran, khatartaas oo ay muujiyeen Maraykanka iyo Israa’iil.

   Dhanka kale, Britain, iyo , oo ahaa kuwii saxiixay heshiiskii nukliyeerka ee 2015, ayaa ka fiirsanaya in dib loo hawlgeliyo cunaqabataynta Qaramada Midoobay

2. 7 Juunyo 2025Ukraine oo sheegtay inay soo riday diyaarad casri ah oo Ruushku leeyahay

   

   Xigashada Sawirka, Getty Images

   Ukraine ayaa sheegtay inay soo ridday diyaarad dagaal oo Ruushku leeyahay oo ah nooca Su-35 ah. Weli ma jiro wax war ah oo ku saabsan in kani uu ahaa iska horimaad xaga cirka ah oo ay ku lug lahaayeen diyaaradaha Ukraine, ama in ciidamada cirka Ukraine ay adeegsadeen nidaamka difaaca hawada am lidka diyaaradaha.

   Warka ka soo baxay Ciidamada Cirka ee Ukraine ayaa u qornaa sidan:“Saaka oo ay bishu tahay June 7, 2025, natiijada hawlgalkii Ciidanka Cirka ee lagu guulaystay ee aagga Kursk, diyaarad dagaal oo Ruushku leeyahay oo ah Su-35 ayaa la soo riday!"

   Diyaarada Su-35 ayaa ah diyaarad dagaal oo casri ah oo loo isticmaalo dagaalka.

   Waxay la mid tahay nooca Maraykanka, ee aadka u horumarsan sida F-15 wanaa mid ka mid ah diyaaradaha uu ku faano mareykanka.

3. 7 Juunyo 2025Xajka: Muxuu ahaa muranka ku saabsan dhagaxa madow ee Kacbada ee adduunka qabsaday?

   

   Xigashada Sawirka, TWITTER @REASAHALHARMAIN

   Muran ballaaran ayaa ka dhashay dabayaaqdaii sanadkii 2021 barnaamij cusub oo uu daah furay madaxa labada Xarameyn ee masaajidka Kacbada iyo midka Nebiya, Dr. Abdulrahman bin Abdulaziz Al-Sudais, kaasoo ku saabsan in qaab fogaal arag ah oo casri ah lagu taabto Xajarul-aswad-ka.

   Hadab muxuu aha barnaamijkaas, ku dhufo lifaaqa hoose si aad faahfaahinta u akhriso.

   /somali/war-59688757

4. 7 Juunyo 2025Koxda Wagner oo ka baxday Mali ka dib markii uu dhammaaday howlgalkoodii

   

   Xigashada Sawirka, Getty Images

   Kooxda Wagner ayaa ku dhawaaqday in ay ka baxayso dalka Mali ka dib waxa ay ugu yeertay “dhamaadka hawshii ugu weyneyd” ​​ee ay ka waday dalka ku yaala galbeedka Afrika.

   Kooxda calooshood u shaqeystayaasha ah ee Ruushka ayaa halkaasi ka howlgalayay tan iyo 2021-kii, iyaga oo kala shaqeynayay militariga si ay uga hortagaan mintidiinta Islaamiga ah.

   Farriin ay kooxdu soo dhigtay barta Telegram-ka ayay ku sheegeen in ay "la dagaallameen argagixisada oo ay ka barbar dagaallameen dadka reer Mali", iyagoo dilay "kumannaan dagaalyahanno ah iyo taliyayaashooda, kuwaas oo argagax geliyey dadka rayidka ah sannado badan".

   Ku dhawaaqista ka bixitaanka Mali ayaa ku soo beegmaysa isla maalinti ay soo baxayeen warar sheegaya in ciidamada Mali ay isaga baxeen saldhig weyn oo ku yaala bartamaha dalkaasi, kadib markii ay la kulmeen weerar labaad oo lagu hoobtay muddo todobaad gudihiis ah.

5. 7 Juunyo 2025Xilli loo dabaaldagayo ciidda ayaa waxaa wali Qaza ka socda Duqeymo

   

   Xigashada Sawirka, EPA

   Tobaneeyo Falastiiniyiin ah ayaa lagu dilay laguna dhaawacay Marinka Gaza tan iyo xalay ilaa saaka, iyadoo ay ku beegan tahay maalinta labaad ee Ciidul Adxaa.

   Duqeymo isdaba joog ah oo dhanka cirka iyo madaafiicda oo ay israa’iil ku garaacday goobo kala duwan ayaa waxaa ku dhintay ugu yaraan 13 qof in ka badan 40 kalena waa ay ku dhaawacmeen subaxnimadii hore ee saaka.

   Duqeymaha ayaa lagu garaacay teendhooyin dad barakacayaal ah ay ku jireen oo ku yaala galbeedka Khan Yuunis, ee koonfurta marinka Gaza. Dadka la dilay ayaa waxaa ka mid ah Aabe, Hooyo iyo labo caruur ah oo ay dhaleen.

6. 7 Juunyo 2025Ruushka oo weerarkii ugu xoogganaa ku qaaday Ukraine

   

   Xigashada Sawirka, Reuters

   Ugu yaraan saddex qof ayaa ku dhintay 21 kalena waa ay ku dhaawacmeen – oo uu ku jiro ilmo bil jira – weerarkii ugu weynaa ee diyaaradaha aan duuliyaha lahayn ee Ruushku ku qaadeen magaalada labaad ee ugu weyn Ukraine ee Kharkiv, sida uu sheegay duqa magaaladaasi.

   Ihor Terekhov ayaa sheegay in dhismayaal badan oo ah kuwa deegaanka la duqeeyay ka dib markii Ruushku uu magaalada ku soo riday ku dhawaad ​​50 diyaaradood oo aan duuliye lahayn.

   Dhanka kale, laba qof ayaa lagu dilay Kherson ka dib markii ay weerarro ku qaadeen dhismayaal la deggan yahay, sida uu sheegay sarkaal gobolka ka tirsan.