Naidheachdan, còmhradh, spòrs, ceòl agus fealla-dhà le Emma NicLaomainn. News, chat, sport, music and entertainment with Emma Lamont.
Tha obair leasachaidh a' tachairt ann an togalach An Cultarlann ann an Inbhirnis an-dràsta is iad ag ùrachadh seann eaglais sa bhaile airson a dhèanamh freagarrach son na tachartasan a tha an dùil a bhith aca ann. Tha Norrie Dòmhnallach agus Murchadh Caimbeul air bòrd-stiùiridh na buidhne agus gheibh Emma facal orra mun na planaichean a th' aca son an àm ri teachd agus dè an obair leasachaidh a tha a' dol san togalach an-dràsta.
Agus tha an cluicheadair ball-coise Albannach Scott McTominay air fàs gu math ainmeil san Eadailt leis cho math 's a tha e air a bhith a' cluich do sgioba Napoli. Saoil cò na cluicheadairean Albannach eile a th' air a bhith soirbheachail thall-thairis sna bliadhnaichean a dh' fhalbh, tha an neach-aithris spòrs Calum Dòmhnallach gu bhith a' togail air feadhainn de na cluicheadairean as soirbheachail a th' air a thighinn à Alba 's a chluich thall-thairis.
