/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Crynodeb

  • Mark Drakeford yn ateb cwestiynau ASau, ar y terfyn cyflymder 20mya ymhlith pynciau eraill.

Y diweddaraf yn fyw

Alun Jones

  1. Hwyl fawr

    Dyna ddiwedd y Cwestiynau i'r Prif Weinidog.

    Bydd y Senedd yn cael ei goleuo unwaith eto yn lliwiau glas a melyn baner Wcráin heno, fel arwydd o undod â hwy.

    Da boch chi.

    Senedd CymruSenedd Cymru

  2. Difrodi arwyddion ffyrdd

    Mark Drakeford

    Mark Drakeford

    Mae'r Ceidwadwr Tom Giffard yn beirniadu fandaleiddio arwyddion ffyrdd newydd 20 mya, ond yn cwestiynu a oes gan y prif weinidog yr un farn am y difrod a wnaed i arwyddion ffyrdd gan Gymdeithas yr Iaith yn eu hymgyrch am arwyddion dwyieithog yn y 1960au.

    Dywed Mr Giffard, "rydym wedi gweld pobl, yn anffodus, ym mhob rhan o Gymru yn fandaleiddio arwyddion ffyrdd fel mynegiant o'r rhwystredigaeth honno. Nawr, rwy'n condemnio'r fandaliaeth honno, ond tybed a yw'r prif weinidog yn gwneud hynny hefyd? Gofynnaf oherwydd sylwais ar gyfweliad gyda’r BBC pan ddaeth yn brif weinidog am y tro cyntaf. Soniasoch am brotestiadau’r Gymraeg yn y 1960au a dweud bod difrodi arwyddion ffyrdd, ac rwy’n dyfynnu, yn ‘beth gwych i’w wneud'.

    "Felly, a ydych yn cymeradwyo fandaliaeth yr arwyddion ffyrdd heddiw, neu os na, sut ydych chi’n cyfiawnhau eich safbwynt yng ngoleuni eich sylwadau yn y gorffennol?

    "Neu, yn ôl yr arfer, ai un rheol ar gyfer Llywodraeth Cymru ydyw, ac un rheol i bawb arall?

    Atebodd y prif weinidog, "nid wyf yn bwriadu cael fy nhynnu i mewn i fychanu dadl bwysig yn y ffordd y mae'r aelod wedi ceisio gwneud y prynhawn yma".

    Mae Llywodraeth Cymru wedi amddiffyn y gyfraith newydd, a ddaeth i rym ar Fedi 17 ar gost o £32.5m, gan ddweud y bydd yn arwain at lai o farwolaethau a damweiniau.

    Ond mae rhai yn gwrthwynebu'r newid yn chwyrn, gydag achosion o ddifrodi neu dynnu arwyddion wedi eu cofnodi mewn sawl sir, gan gynnwys Conwy, Fflint, Gwynedd, Casnewydd, Torfaen, Wrecsam ac Ynys Môn.

    Y llynedd, pleidleisiodd y Senedd dros gyflwyno 20mya fel y cyfyngiad cyflymder arferol ar ffyrdd cyfyngedig - Cymru yw'r wlad gyntaf yn y Deyrnas Unedig i wneud hynny.

    Mewn cyfweliad gyda BBC Cymru wrth ddechrau yn ei swydd fel prif weinidog yn 2019, dywedodd Mr Drakeford bod ei ddeffroad gwleidyddol wedi digwydd yn ei ddyddiau ysgol.

    Ysgubodd brwdfrydedd cenedlaetholgar drwy ei dref enedigol, Caerfyrddin, pan etholwyd Gwynfor Evans yn AS cyntaf Plaid Cymru yn 1966. Wrth gofio am ei gyfnod yn yr ysgol ramadeg, cofiodd Mr Drakeford yn y cyfweliad ei fod wedi meddwl ar y pryd fod difrodi neu dynnu arwyddion ffyrdd uniaith Saesneg yn "beth gwych i'w wneud".

    Ymgyrch arwyddion ffyrdd Cymdeithas yr IaithLLYFRGELL GENEDLAETHOL CYMRU

    Ymgyrch arwyddion ffyrdd Cymdeithas yr Iaith

  3. O 60 AS i 96

    Mae'r Ceidwadwr James Evans yn gofyn sut y bydd Bil Senedd Cymru (Aelodau ac Etholiadau) Llywodraeth Cymru yn gwneud Aelodau o'r Senedd yn fwy atebol i'r cyhoedd">