/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Geraint Thomas yn cadw ei afael ar grys pinc y Giro d'Italia

Geraint ThomasGetty Images

Geraint Thomas sy'n parhau i arwain y Giro d'Italia, er i'w fantais gael ei chwtogi ychydig o 29 i 26 eiliad ar y 19eg cymal.

Santiago Buitrago o Golombia enillodd y cymal mynyddig ddydd Gwener, gyda'r Cymro yn y pumed safle.

Ond yr unig un o'r rhai orffennodd o'i flaen a oedd o fygythiad iddo yn y dosbarthiad cyffredinol oedd Primož Roglič o Slofenia.

Fe lwyddodd Roglič, sydd yn yr ail safle tu ôl i Thomas, i ennill tair eiliad ar yr arweinydd.

Un cymal cystadleuol sy'n weddill yn y Giro eleni - ras yn erbyn y cloc ddydd Sadwrn, gyda digon o ddringo mynydd.

Bydd y ras yn gorffen gyda chymal yn Rhufain ddydd Sul, ond y gwibwyr fydd yn cystadlu am y fuddugoliaeth y diwrnod hwnnw, ac fel arall does dim rasio cystadleuol.

Dosbarthiad cyffredinol

  1. Geraint Thomas (Ineos Grenadiers) - 81 awr, 55 munud, 47 eiliad

  2. Primož Roglič (Jumbo-Visma) +26"

  3. João Almeida (UAE Team Emirates) +59"

  4. Damiano Caruso (Bahrain Victorious) +4'11"

  5. Eddie Dunbar (Jayco AlUla) +4'53"

Pynciau cysylltiedig

Straeon perthnasol