/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Giro d’Italia: Geraint Thomas yn colli ei le ar y blaen

Geraint ThomasEPA

Roedd Geraint Thomas wedi bod yn arwain y Giro d'Italia ac yn ddeilydd crys pinc y Maglia Rosa

Mae Geraint Thomas wedi colli ei le fel ceffyl blaen y Giro d'Italia yn dilyn cymal 14.

Gorffennodd Thomas, yn y peloton, 21 munud y tu ôl y prif grŵp wrth ildio'r awenau i Bruno Armirail o Ffrainc.

Serch hynny does dim disgwyl i Armirail, 29, fod yn fygythiad wrth i Thomas a'r peloton ddewis arbed ynni.

Nico Denz o'r Almaen oedd enillydd 14eg cymal y ras ddydd Sadwrn, dros 193 cilomedr rhwng Sierre yn y Swistir a Cassano Magnago yn yr Eidal.

Mae Giro eleni wedi ei effeithio'n ddrwg gan dywydd ofnadwy, gyda glaw trwm yn achosi problemau sylweddol gyda salwch a damweiniau i'r beicwyr.

Oherwydd hynny mae timau wedi cymryd agwedd fwy gofalus at rasio, gyda'r gobaith fod y tywydd yn gwella.

Dyw Thomas, 36, y Cymro cyntaf i ennill y Tour de yn 2018, erioed wedi ennill y Giro.

Mae 21 cymal i gyd, gyda'r ras yn gorffen yn Rhufain ddydd Sul, 28 Mai.

Pynciau cysylltiedig

Straeon perthnasol