/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Wrecsam yn sicrhau dyrchafiad i'r uwchgynghrair

WrecsamJohn Smith/FAW

Bydd Wrecsam yn chwarae yn yr Adran Premier y tymor nesaf

Bydd Wrecsam yn chwarae yn yr Adran Premier y tymor nesaf wedi iddynt drechu Llansawel brynhawn Sul.

Chwaraewyd y gêm dyngedfennol yn y Drenewydd wrth i bencampwyr y gogledd a'r de gystadlu am un lle yn y brif adran.

Ond yn erbyn llif y chwarae roedd gôl Rebecca Pritchard wedi 74 munud yn ddigon i sicrhau dyrchafiad i'r Dreigiau.

Roedd gan Wrecsam hefyd llawer i ddiolch i Delyth Morgan yn dilyn arbediad holl bwysig o ymdrech Mollie Jones ym munud olaf y 90 pan roedd drwodd ar y gôl.

Hefyd tarrodd Llansawel y bar o gic rydd yn ystod eiliadau ola'r gêm.

Roedd Wrecsam wedi sicrhau pencampwriaeth yr Adran North yn erbyn Cei Connah o flaen torf o dros 9,000 fis diwethaf.

Roedd cyd-gadeiryddion y clwb, Ryan Reynolds a Rob McElhenney, eisoes wedi addo bydd y garfan yn troi'n led-broffesiynol petaent yn ennill dyrchafiad i'r uwchgynghrair.

Er gwaetha'r siom bydd Llansawel nawr yn troi eu golygon at wynebu Caerdydd yn rownd derfynol Cwpan Cymru penwythnos nesaf.

Pynciau cysylltiedig

Straeon perthnasol