/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Y Gynghrair Genedlaethol: Wrecsam 2-2 Woking

Paul MullinRex Features

Mae Wrecsam wedi colli pwyntiau am y tro cyntaf yn y gynghrair ar y Cae Ras y tymor hwn, wrth i Woking gipio canlyniad cyfartal.

Fe aeth y Dreigiau ar ei hôl hi'n gynnar ar y Cae Ras, gyda chyn-ymosodwr Casnewydd, Padraig Amond, yn rhoi'r ymwelwyr ar y blaen gyda pheniad wedi chwe munud.

Ond daeth Wrecsam yn gyfartal cyn yr egwyl, diolch i gic rydd wych gan Anthony Forde.

Deng munud i mewn i'r ail hanner cafodd Ollie Palmer ei lorio yn y cwrt cosbi, ac fe rwydodd Paul Mullin y gic o'r smotyn i roi'r tîm cartref ar y blaen.

Ond rhwydodd Rhys Browne o'r smotyn hefyd funudau'n ddiweddarach i unioni'r sgôr.

Mae'r canlyniad yn golygu bod Wrecsam wedi colli tir ar frig Y Gynghrair Genedlaethol, a hynny ar ôl i Notts County drechu Barnet o 4-1.

Maen nhw bellach bum pwynt ar eu holau nhw, ond wedi chwarae dwy gêm yn llai.

Pynciau cysylltiedig