/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gweithwyr rheilffordd fu farw 'heb glywed y tren'

Gareth Delbridge a Michael LewisLluniau teulu

Cafod y cwest i farwolaeth Gareth Delbridge a Michael Lewis ei ohirio wythnos ddiwethaf

Roedd dau weithiwr rheilffordd gafodd eu lladd ar ôl cael eu taro gan drên heb glywed y cerbyd gan eu bod yn defnyddio offer swnllyd, yn ôl ymchwiliad.

Dywedodd y Gangen Ymchwilio i Ddamweiniau Rheilffordd (RAIB) bod Michael Lewis, 58, a Gareth Delbridge, 64, yn cynnal gwaith ar y rheilffyrdd ger Margam - a oedd yn agored i draffig - ar 3 Gorffennaf.

Nododd RAIB bod gyrrwr y trên wedi canu'r corn ac wedi defnyddio'r brêc argyfwng.

Roedd y trên yn teithio ar gyflymder o tua 73mya wrth iddo gyrraedd y lleoliad.

Mae lluniau o gamerâu cylch cyfyng yn dangos nad oedd y gweithwyr yn ymwybodol o'r trên tan ei fod yn agos iawn iddyn nhw.

Dywedodd yr ymchwilwyr bod Mr Lewis a Mr Delbridge yn defnyddio offer gydag injan betrol ac roedd o leiaf un ohonynt yn gwisgo offer i amddiffyn eu clyw.

Fe wnaeth gweithwyr ar reilffordd gyfagos sylwi ar y trên a cheisio rhoi gwybod iddyn nhw am y perygl.

Bu bron iawn ddyn arall gael ei daro hefyd, yn ôl RAIB.

Bydd yr ymchwiliad yn ystyried sawl peth gan gynnwys y trefniadau diogelwch, cynlluniau Network Rail a'r penderfyniadau a wnaed gan y rhai oedd yn bresennol.

Cafod y cwest i farwolaeth y ddau ei ohirio wythnos diwethaf a bydd adolygiad arall ymhen chwe mis.

Straeon perthnasol