/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Ffoaduriaid Casnewydd yn dysgu Cymraeg

Ffoaduriaid CymraegY Groes Goch

Mae 25 o ddysgwyr yn mynychu'r dosbarthiadau Cymraeg yng Nghasnewydd

Mae grŵp o fenywod yng Nghasnewydd, sy'n ffoaduriaid, wedi penderfynu dysgu Cymraeg er mwyn ceisio datblygu eu dealltwriaeth o iaith a diwylliant eu cartref newydd.

Y Groes Goch Brydeinig sydd wedi trefnu'r gwersi, a hynny ar gais y menywod sy'n ffoaduriaid neu sydd wedi dod i'r ddinas yn ceisio lloches.

Yn ôl yr elusen dywedodd rhai o'r merched a oedd yn cymryd dosbarthiadau Saesneg gyda'r Groes Goch y llynedd bod ganddyn nhw hefyd ddiddordeb mewn dysgu Cymraeg.

Dechreuodd y cwrs 10 wythnos ym mis Chwefror, ac mae'r gwersi yn cynnwys cyflwyniad i ymadroddion Cymraeg sylfaenol, a hanes a diwylliant Cymru.

"Mae fy mab yn dysgu caneuon Cymraeg yn y feithrinfa ac roeddwn i eisiau ei ddeall", meddai Dong Mei, un o'r dysgwyr.

"Yn y dosbarth rydym i gyd yn dod o wahanol wledydd," meddai, "ac rydym i gyd yn ddysgwyr newydd, felly rydym ar yr un lefel.

"Gallaf nawr siarad rhai geiriau ac ymadroddion gan gynnwys rhifau, dyddiau a misoedd.

"Gallaf hefyd ddweud cyflwyniadau a chyfarchion fel "Bore da", "Sut mae" a "Sut wyt ti">