/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Nofwyr yn paratoi am ddigwyddiadau Gŵyl San Steffan

2016Cymdeithas Nofio Môr Dinbych-y-pysgod

Roedd mwy na 700 o bobl yn nofio yn haul Dinbych-y-pysgod y llynedd

Mae miloedd o bobl yn paratoi i gymryd rhan mewn digwyddiadau nofio y tu allan ar draws y de ar Ŵyl San Steffan.

Cymeriadau doniol yw thema'r digwyddiad yn Ninbych-y-pysgod eleni, a hynny ar ei 47fed blynedd.

Mae'r digwyddiad yng Nghefn Sidan, Caerfyrddin hefyd yn cael ei gynnal am y 32ain blynedd.

Bydd Lido Cenedlaethol Cymru ym Mhontypridd hefyd yn agor i nofwyr am yr ail flwyddyn.

Cefn Sidan

Mae'r digwyddiad yng Nghefn Sidan yn ei 32ain blynedd

Roedd mwy na 700 o bobl yn nofio yn haul Dinbych-y-pysgod y llynedd.

Mae'r digwyddiad, sy'n cael ei drefnu gan Gymdeithas Nofio Môr Dinbych-y-pysgod, wedi casglu bron i £270,000 i elusennau dros y blynyddoedd.

Ers y cyntaf yn 1984, dim ond dwywaith mae'r digwyddiad yng Nghefn Sidan wedi cael ei ganslo - unwaith oherwydd fod olew yn y dŵr ac unwaith pan oedd y môr wedi rhewi.

Dywedodd y trefnwyr eu bod yn obeithiol am dywydd da eleni.

Mae mwy na 700 o nofwyr hefyd wedi cofrestru i fynychu Lido Pontypridd eleni - 200 yn fwy na'r llynedd.

Straeon perthnasol