/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Dyn yn parhau mewn cyflwr difrifol wedi ymosodiad yn Y Rhyl

Fe ddigwyddodd yr ymosodiad y tu allan i The Tiki Room am oddeutu 03:10

Fe ddigwyddodd yr ymosodiad y tu allan i The Tiki Room am oddeutu 03:10

Mae dyn yn parhau mewn cyflwr difrifol wedi ymosodiad ar Stryd Sussex yn Y Rhyl yn gynnar fore Sadwrn.

Fe ddigwyddodd yr ymosodiad y tu allan i The Tiki Room am oddeutu 03:10.

Cafodd y dyn ei drosglwyddo i Ysbyty Stoke a ddydd Sul mae'n parhau mewn cyflwr difrifol.

Mae dyn a gafodd ei arestio ar amheuaeth o anafu wedi ei ryddhau ar fechnïaeth amodol.

Mae'r Uwch Swyddog Ymchwilio, y Ditectif Uwcharolygydd Rebecca Hughes yn apelio ar unrhyw un a welodd y digwyddiad i gysylltu â'r heddlu.

"Roedd nifer o bobl yn cymdeithasu yn y Tiki Room, a thu allan gerllaw, adeg y digwyddiad fore Sadwrn," meddai.

"Rwy'n awyddus i siarad ag unrhyw un a welodd unrhyw beth, neu unrhyw un sydd â gwybodaeth, ac yn gofyn iddyn nhw gysylltu â swyddogion cyn gynted â phosibl.

"Hoffwn hefyd dawelu meddwl y cyhoedd gan ei bod hi'n ymddangos bod hwn yn ddigwyddiad ynysig."

Pynciau cysylltiedig