/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Dyn 20 oed o Wrecsam wedi boddi yn Y Bermo - cwest

Traeth Y Bermo

Roedd Mohamad Alkadour wedi ymweld â thraeth y Bermo gyda'i ffrindiau ar 27 Mai

Mae cwest wedi ei agor i farwolaeth dyn 20 oed oedd wedi bod yn nofio yn y môr yn Y Bermo.

Cafodd Mohamad Alkadour, cogydd oedd yn byw yn Wrecsam ond a gafodd ei eni yn Syria, ei achub o'r tonnau ar ôl bod ar goll am ddwy awr.

Fe geisiodd y gwasanaethau brys i'w adfywio ac fe gafodd ei gludo i Ysbyty Gwynedd ym Mangor, ond bu farw yno yn ddiweddarach.

Cafodd y cwest ei ohirio tra bod ymchwiliadau pellach yn digwydd i'r hyn ddigwyddodd.

Clywodd y gwrandawiad yng Nghaernarfon ddydd Llun fod Mr Alkadour wedi ymweld â'r Bermo gyda'i ffrindiau ar 27 Mai eleni.

Dywedodd y crwner, Kate Robertson: "Mae'n ymddangos bod rhai tonnau wedi ei daro gyda rhywfaint o rym a'i wthio oddi tano.

"Cafodd ei ddarganfod dwy awr yn ddiweddarach ar ôl i Wylwyr y Glannau a’r heddlu chwilio amdano."

Ychwanegodd bod archwiliad post mortem wedi digwydd ac mai achos y farwolaeth oedd boddi.

Pynciau cysylltiedig