/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

150 milltir mewn saith diwrnod... lluniau her anferth Aled Hughes

150 o filltiroedd. Saith diwrnod. Dwy droed. Un Aled Hughes blinedig iawn!

Bob blwyddyn bydd y cyflwynydd BBC Radio Cymru yn gwneud her i gasglu arian i Blant Mewn Angen. Sialens 2024 oedd cerdded ar hyd llwybr Taith Pererin Gogledd Cymru o Dreffynnon i Aberdaron... mewn wythnos.

Ac fe lwyddodd - diolch i gefnogaeth nifer o bobl ar hyd y daith, fel mae'r lluniau yma yn ei ddangos.

Aled Hughes, Morgan Elwy a Merfyn 'Smyrff' Jones yn cerdded

Dim troi'n ôl rŵan Aled... dechrau'r daith yn ardal Treffynnon gyda'r cerddor Morgan Elwy yn gwmni ar y diwrnod cyntaf a Merfyn 'Smyrff' Jones, oedd yn arwain y daith am y saith diwrnod

Aled mewn coedwigMerfyn Jones

Roedd maint y coed yng nghoedwig Allt y Tywod tu allan i Bant y Wacco yn adlais o faint y sialens. Mae Taith Pererin Gogledd Cymru yn 135 milltir o hyd ond byddai llwybr Aled yn golygu cerdded 15 milltir yn ychwanegol

Bwyta cinio ar y fforddMerfyn Jones

Bach o hwne... roedd angen egni wrth gerdded y 22.7 milltir rhwng Treffynnon a Llanelwy ar y diwrnod cyntaf

Criw ar fferm yn cael panedSportsPicturesCymru

Dechrau da i Ddiwrnod 2 gyda brecwast buarth diolch i Alun a Carol, Fferm Croenllwm, Llanefydd, a’r gymuned leol

Criw yn gwrando ar gerddoriaeth Elidir Glyn a Gwilym Bowen Rhys mewn tafarn

Ar hyd y 23.1 milltir rhwng Llanelwy a Phandy Tudur fe gafwyd cân, croeso a phaned yn Y Red, Llansannan, gydag Elidir Glyn a Gwilym Bowen Rhys

Cerdded yn y tywyllwchMerfyn Jones

Mae'n nosi'n gynnar fis Tachwedd... dod tuag at Bandy Tudur

Arwydd dal ati AledSportsPicturesCymru

Roedd cael cefnogaeth ar hyd y 22 milltir o Bandy Tudur i Lanfairfechan yn codi calon ac yn hwb

Aled HughesSportsPicturesCymru

Roedd rhai o'r golygfeydd rhwng Pandy Tudur a Llanfairfechan hefyd yn codi'r ysbryd

Criw gydag Aled Hughes a Tudur OwenSportsPicturesCymru

Roedd Aled yn cael cwmni gwahanol bob dydd. Diwrnod 3, ac un oedd yn cadw cwmni iddo oedd y cyflwynydd a'r digrifwr Tudur Owen... a Pudsey wrth gwrs. Roedd croeso hefyd gan gymuned ac aelodau Merched y Wawr Eglwysbach

Aled a'i gyd-gerddwyr yn croesi'r fforddSportsPicturesCymru

Abbey Road... neu'r Long and Winding Road?

Aled Hughes yn cerddedSportsPicturesCymru

Diwrnod 4, o Lanfairfechan i Gadeirlan Bangor, ac mae digon o waith dringo ar hyd Taith Pererin Gogledd Cymru

Cerdded ar hyd llwybrSportsPicturesCymru

Ond roedd y cerddwyr yn ffodus iawn gyda'r tywydd unwaith eto

Aled a Maer BangorSportsPicturesCymru

Er ei fod wedi ymlâdd, fe gyrhaeddodd Gadeirlan Bangor a chael croeso gan Faer Bangor Gareth Parry

Aled a'r criw o flaen Cadeirlan Bangor

Diwrnod 5 - a diwrnod caletaf y daith - felly roedd yn rhaid dechrau o'r Gadeirlan cyn toriad gwawr. Gydag Aled a 'Smyrff' am 0630 oedd Stephen Edwards (chwith) ac Irfon Jones

Aled yn mynd heibio ceffylMerfyn Jones

Ac roedd 'na groeso ymhobman ar hyd y 21 milltir o Fangor i Dalysarn...

Disgyblion ysgolSportsPicturesCymru

... yn enwedig gan ddisgyblion Ysgol Gwaun Gynfi, Deiniolen

Aled yn EryriSportsPicturesCymru

Aled ac Eilian Jones yn cerdded ger Moel Eilio, rhwng Llanberis a Waunfawr

Aled a'i gynhyrchyddSportsPicturesCymru

Wedi ymlâdd, ond Aled, yma gyda chynhyrchydd ei raglen Fflur Williams, yn cadw cysylltiad gyda gwrandawyr BBC Radio Cymru

Aled yn cerddedSportsPicturesCymru

Diwrnod 6 - a golygfeydd cyfarwydd i'r hogyn o Ben Llŷn ar hyd y 20.1 milltir o Dalysarn i Forfa Nefyn

Dynes gyda arwydd 'Dal Ati Aled'SportsPicturesCymru

A'r croeso yn gynnes unwaith eto

Eglwys Beuno, Pistyll SportsPicturesCymru

Munud i feddwl yn Eglwys Beuno, Pistyll, cyn y cymal olaf

Aled Hughes ar ddiwedd y daith

Diwrnod 7... ac Aberdaron o'r diwedd ar ôl 150 o filltiroedd ac Aled yn cael ei groesawu gan deulu, ffrindiau, pobl leol a chael ei holi i BBC Radio Cymru gan Ffion Emyr. Llongyfarchiadau!

Pynciau cysylltiedig

Straeon perthnasol