/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Protestio'n erbyn symud cyrsiau a 'chwalu' prifysgol Llambed

Ymgyrchwyr y tu allan i'r Senedd

Roedd tua 80 o bobl yn y gwrthdystiad y tu allan i adeilad y Senedd ddydd Mawrth

Iolo Cheung
Newyddion BBC Cymru

Mae myfyrwyr a chyn-fyfyrwyr campws prifysgol Llanbedr Pont Steffan wedi cynnal protest ar risiau'r Senedd yn erbyn cynllun posib i ddod â chyrsiau israddedig ar y safle i ben.

Daeth tua 80 o bobl ynghyd i ddangos gwrthwynebiad i'r posibiliad y gallai Prifysgol Cymru Y Drindod Dewi Sant (PCDDS) symud cyrsiau dyniaethau o'r campws yn Llanbedr Pont Steffan, i Gaerfyrddin.

Yn ôl ymgyrchwyr, byddai hynny'n ergyd sylweddol nid yn unig i addysg yng Nghymru – gyda'r campws bellach yn cael ei ddefnyddio ers dros 200 mlynedd – ond i dref Llambed ei hun.

Dywedodd y brifysgol eu bod nhw'n parhau i drafod gydag amryw o sefydliadau, a bod "dyfodol ystâd campws Llambed o bwysigrwydd mawr".