/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Swyddogion yn ymateb i danau gwyllt ar draws Cymru

Tân ger LlandudnoJosh Boyle

Mae'r gwasanaeth tân yn dweud nad oes risg i fywyd nac eiddo ar hyn o bryd

Mae swyddogion tân wedi bod yn ymateb i danau gwyllt ar draws Cymru, a'r gred yw bod un ohonynt wedi cael ei gynnau'n fwriadol.

Dywedodd Gwasanaeth Tân ac Achub y Gogledd nos Fawrth fod fflamau yn effeithio ar tua 500 metr sgwâr o dir yn Llandudno.

Cafodd dau griw eu hanfon i'r digwyddiad ar lethrau uwchben Ysbyty Llandudno, ond maen nhw'n dweud nad oedd risg i fywyd nac eiddo.

Yn ôl llefarydd ar ran y gwasanaeth, maen nhw'n amau fod y tân wedi cael ei gynnau yn fwriadol a bod pobl ifanc wedi cael eu gweld yn gadael yr ardal.

Roedd yna danau hefyd ym mhenrhyn Gŵyr, Penrhyndeudraeth a Rhydaman dros nos.

Roedd y tân yn ardal Penrhyndeudraeth yn effeithio ar tua 75 metr sgwâr o dir.

Yn Rhydaman roedd chwe hectar o dir ger fferm wynt ar dân ac mewn digwyddiad gwahanol roedd 15 hectar o dir ar dân ar Ffordd Pontardawe.

Pynciau cysylltiedig