/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Sir Benfro: Nifer yr ail dai ar werth wedi treblu ers codi trethi

Dinbych-y-pysgod
Gareth Pennant
Newyddion S4C

Mae'r nifer o ail dai sydd ar werth yn Sir Benfro wedi mwy na threblu ar ôl i'w treth cyngor gynyddu.

Yn ôl ystadegau newydd, roedd 135 ar y farchnad ym mis Gorffennaf, o'i gymharu â 38 yn yr un cyfnod flwyddyn ynghynt.

Mae ymgyrchydd sydd am weld y farchnad dai yn cael ei ddiwygio wedi disgrifio'r ffigyrau fel rhai "calonogol".

Ond yn ôl un gwerthwr tai, mae talu rhagor o dreth cyngor wedi cael "effaith enfawr" ar berchnogion ail dai.

O dan reolau newydd, fe all cynghorau godi premiwm o hyd at 300% ar ben y lefel arferol i geisio mynd i'r afael â'r argyfwng tai.

Fe gyflwynodd Cyngor Sir Penfro y premiwm treth cyngor o 200% ar berchnogion ail dai ym mis Ebrill gan dreblu biliau.

Ond mae'n bosib osgoi talu'r premiwm am hyd at flwyddyn gan roi'r tŷ ar y farchnad.

Dinbych-y-pysgod

Ar 1 Gorffennaf eleni, roedd nifer yr ail dai ar werth yn y sir wedi cynyddu o 97 mewn blwyddyn - cynnydd o 255%.

Mae'r cyngor wedi cyhoeddi ffigyrau sy'n dangos bod nifer yr ail dai a llety hunan arlwyo wedi gostwng eleni o'i gymharu â 2023.

Dangosa'r ffigyrau fod:

  • Nifer yr ail dai wedi disgyn o 3,364 i 3,271 (gostyngiad o 2.7%)

  • Nifer y llety hunan arlwyo wedi disgyn o 2,621 i 2,425 (gostyngiad o 7.47%)

Hedd Ladd Lewis

Mae yna "anghyfiawnder mawr" yn y farchnad dai, meddai Hedd Ladd Lewis

Fe gyflwynodd Llywodraeth Cymru, fel rhan o gytundeb cydweithio Llafur a Phlaid Cymru, y premiwm yn rhannol er mwyn ei gwneud yn haws i bobl leol allu fforddio prynu tai yn yr ardaloedd y cawson nhw eu magu.

Cafodd Hedd Ladd Lewis, sy'n ymgyrchydd dros ddiwygio'r farchnad dai, ei fagu yn Nhrefdraeth, Sir Benfro.

Mae tua 30% o'r eiddo yn y dref yn ail dai neu yn llety gwyliau.

Dywedodd Mr Lewis fod y cynnydd yn nifer yr ail dai sydd ar werth yn "galonogol", ond "dwi’n credu mai rhan o’r broblem yw hwnna oherwydd pwy sydd yn mynd i brynu’r tai yma">