/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Neil Foden: Cyhuddo prifathro o'r gogledd o fwy o droseddau

Neil Foden

Mae Neil Foden bellach wedi'i gyhuddo o naw trosedd yn erbyn chwe achwynydd

Mae prifathro o'r gogledd sydd wedi'i gyhuddo o gam-drin plentyn yn rhywiol, wedi cael ei gyhuddo o chwe chyhuddiad ychwanegol gan bum achwynydd pellach.

Bydd Neil Foden, 66 oed o Hen Golwyn, Sir Conwy, yn ymddangos nesaf yn Llys Ynadon Caernarfon ar 23 Tachwedd.

Mae'r cyhuddiadau diweddaraf yn cynnwys tri chyhuddiad o weithred rywiol gyda phlentyn, ac un cyhuddiad o weithred rywiol gyda phlentyn dan 13 oed.

Cafodd ei arestio'n wreiddiol ym mis Medi, ac mae eisoes yn wynebu tri chyhuddiad, gan gynnwys gweithred rywiol gyda merch rhwng 13 a 15 oed.

Fe gafodd ei gadw yn y ddalfa, ac fe ymddangosodd yn y llys trwy gyswllt fideo o Garchar Berwyn Wrecsam fis diwethaf.

Ar hyn o bryd, mae disgwyl i'r achos yn ei erbyn ddechrau fis Ionawr.

Mae Mr Foden wedi cael ei wahardd o'i swydd fel prifathro.

Pynciau cysylltiedig

Straeon perthnasol