/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Diwrnod olaf i wasanaeth Bwcabws Ceredigion a Sir Gâr

Bwcabws

Ers 2009, mae pobl yn ardaloedd gwledig Sir Gaerfyrddin, Ceredigion a Sir Benfro wedi gallu trefnu amser cyfleus i'r Bwcabws eu casglu a'u cludo

Bydd gwasanaeth bws cymunedol Bwcabws yn dod i ben ddydd Mawrth yn siroedd Ceredigion a Chaerfyrddin.

Ers 2009, mae'r gwasanaeth wedi rhoi cyfle i bobl mewn ardaloedd gwledig yn y de-orllewin drefnu amser cyfleus i'r bws eu casglu o garreg y drws.

Mae Cyngor Sir Penfro wedi ariannu cynllun newydd i gymryd lle Bwcabws yno, ond o ddydd Mercher ymlaen ni fydd gwasanaeth o'r fath yn y ddwy sir arall.

Mae Llywodraeth Cymru yn dweud nad oes arian i gynnal y gwasanaeth ar ôl Brexit, a'u bod yn trafod opsiynau eraill gyda Thrafnidiaeth Cymru, cynghorau a chymunedau.

Ond yn ôl rhai mae diwedd y Bwcabws yn golygu nad oes opsiynau eraill mewn sawl ardal wledig fydd yn cael eu gadael heb wasanaeth.