/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Costau byw: 'Becso am fethu prynu 'sgidiau i'w plant'

RhydamanGoogle

Mae Rhydaman yn dref ôl-ddiwydiannol yn nwyrain Sir Gaerfyrddin a lefelau diweithdra yn uchel

Gan Garry Owen
Gohebydd Arbennig BBC Radio Cymru

Mae'r argyfwng costau byw yn "effeithio'r gymuned gyfan" a phobl yn "poeni na fyddan nhw'n gallu prynu esgidiau i'w plant".

Dyna glywodd Gohebydd Arbennig BBC Radio Cymru, Garry Owen, wrth holi rhai o drigolion Dyffryn Aman fore Mercher ar raglen Dros Frecwast.

Mae'r hen ardal lofaol ôl-ddiwydianol hon yn nwyrain Sir Gâr yn cynnwys tref Rhydaman a phentrefi cyfagos fel Tai'r-gwaith.

Yn ôl ystadegau'r Adran Gwaith a Phensiynau mae'r proffil economaidd yn dangos fod canran uwch o'r boblogaeth yma yn ddi-waith yn yr hir dymor neu erioed wedi gweithio.

Presentational grey line

Yn Nyffryn Aman, fel mewn ardaloedd eraill ar hyd a lled Cymru, mae costau byw yn codi ac mae pobl yn bryderus wrth wynebu biliau bob dydd fel trydan, nwy a bwyd.

Mae chwyddiant wedi codi yn uwch na 10% am yr eildro eleni ac mae pwysau mawr ar bobl nawr wrth wynebu'r cynnydd mwyaf mewn costau bwyd ers dros ddeugain mlynedd.