/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gall miliynau elwa yn sgil ymchwil i ganser y fron

Pelydr-X canser y fronilbusca/Getty Images

Dyw'r driniaeth yma ddim yn cynnig iachâd - ond mae'n cynnig amser ychwanegol pwysig iawn i gleifion i dreulio gyda'u teuluoedd a'u ffrindiau

Gan Owain Clarke
Gohebydd Iechyd BBC Cymru

Fe allai miliynau o gleifion elwa wedi "canlyniadau rhyfeddol" ymchwil i driniaeth newydd ar gyfer menywod sydd â chanser y fron wedi lledaenu.

Fe gafodd yr astudiaeth ei harwain yng Nghymru, ac edrychodd yn benodol ar roi cyffur newydd yn ogystal â thriniaeth hormon arferol.

Dangosodd yr ymchwil y gall menywod sydd â chamgymeriad genetig cyffredin yn eu canser ddisgwyl byw bron ddwywaith yn hirach wedi cael y cyffur o'i gymharu â'r rhai gafodd y driniaeth arferol yn unig.

Mae'r canlyniadau wedi cael eu cyflwyno yng nghynhadledd ganser fwyaf y byd yn Chicago ac wedi'u cyhoeddi yng nghyfnodolyn Lancet Oncology.

Yr Athro Rob Jones

"Mae'r driniaeth yn cynnig amser ychwanegol i gleifion," medd yr Athro Rob Jones

Dywedodd cyd-arweinydd yr ymchwil, yr Athro Rob Jones o Ganolfan Ganser Felindre a Phrifysgol Caerdydd: "Does 'na'r un treial o'r blaen wedi bod mor arwyddocaol - mae'n rhyfeddol.

"Pan fydd claf yn cael diagnosis o ganser metastatig [canser sydd wedi lledu]... y cwestiwn pwysicaf iddyn nhw yw: 'Pa mor hir sy' gen i ar ôl? Ydw i'n mynd i weld fy wyrion a'm hwyresau'n tyfu i fyny">