/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Wylfa: 'Oedi yn fwy tebyg na diddymu'r cynllun'

Wylfa NewyddHorizon Nuclear

Bydd y gwaith ar Wylfa Newydd yn dechrau yn 2020 os bydd yn cynllyn yn parhau

Mae'r cwmni sydd y tu ôl i Wylfa Newydd yn fwy tebygol o oedi o ran y cynlluniau adeiladu yn hytrach na diddymu'r syniad yn gyfan gwbl, yn ôl un ymgynghorydd economaidd.

Mae disgwyl i Hitachi gyhoeddi'r wythnos hon a fyddan nhw'n cefnu ar y gwaith o adeiladu'r atomfa £20bn ar Ynys Môn.

Mae cwestiynau eisoes wedi codi ynglŷn â sgil effeithiau'r penderfyniad ar economi gogledd Cymru.

Yn ôl Dr Edward Jones, sy'n dysgu Economeg ym Mhrifysgol Bangor, mae'n amau'n gryf os bydd Hitachi yn cerdded i ffwrdd ar ôl buddsoddi £2bn yn barod.

'Effaith ar hyd y gogledd'

Mae cwmni Horizon, sy'n gangen o gwmni Hitachi yn y DU wedi bod yn buddsoddi'r arian mewn prentisiaethau a chanolfannau hyfforddi yng ngogledd Cymru, gan gynnwys Grŵp Coleg Llandrillo Menai a Phrifysgol Bangor.

Dywedodd Robat Idris o'r grŵp gwrth-niwclear (PAWB) fod y cynlluniau ar gyfer Bargen Dwf Gogledd Cymru wedi eu selio ar y ffaith y byddai cynlluniau Wylfa yn mynd yn eu blaen.

Wylfa Nuclear Power Station at Cemaes Bay, Anglesey, North Wales.Getty Images

Fe gafodd gorsaf niwclear Wylfa ei digomisiynu yn 2015

Ychwanegodd Dr Jones fod y buddsoddiad posib o £20bn yn Wylfa 20 gwaith yn fwy na maint economi Ynys Môn, sydd â gwerth economaidd o tua £1bn, a hefyd yn uwch na holl economi gogledd Cymru sydd werth cyfystyr â £13.6bn.

"Mae'n mynd i gael effaith ar hyd gogledd Cymru oherwydd ei faint. O bersbectif economaidd, roedd wastad am gael effaith," meddai.

Mae Dr Jones yn credu y byddai Hitachi yn fwy tebygol o "bwyso'r botwm oedi" yn hytrach na cherdded i ffwrdd o'r prosiect yn gyfan gwbl yn dilyn y buddsoddiad blaenorol.

Os yw hynny'n digwydd, meddai Dr Jones, y cwestiwn wedyn fydd pa mor hir fydd yr oedi hwnnw.

Cyrsiau'n parhau

Ychwanegodd: "Beth sydd rhaid i'r llywodraeth wneud yw gofyn yn sydyn iawn, beth mae Hitachi yn ei olygu o ran y gair oedi? Ydy o'n golygu chwe mis? Chwe blynedd?

"Beth sydd ei angen i ddechrau eto">